【卜友包包の4歲冒險樂園生日會】

今日卜友邀請參加佢為女女係响冒險樂園度開既生日會, 真係好期待.
回想番, 呢個卜友其實响家希未出世前無意間Seach 而識左.

估唔到Keep Contact, 都Keep 住4年喇.

黎之前, 已經單聲比家希知, 唔好吹人地支蠟燭. 癈事一陣家希失儀. 因

生日會開始, 小丑Show Time, 好多小朋友排排坐, 連家希睇得好入神, 好開心.

中途仲邀請左壽星女出去表演.

壽星女換埋套公主衫, 好靚呀! 
家希梗係要同包包公主影番張合照喇.

包媽準備左個公主蛋糕, 真係好靚.

接住包包公主吹蠟燭, 睇下家希個樣, 真係好渴望.
家希真係乖仔, 無失儀 !

個蛋糕幾好味, 入面仲有脆脆, 家希食左一大舊添.

蛋糕上既公主, 唔食得.


每位小朋友仲有一個氫氣球.


呢度開生日會, 最開心係可以全日任玩.


平時買套票, 100蚊只玩5種遊戲.
今日可以玩餐飽.

小火車, 呢度限制小朋友矮過100CM要家長陪同.
明明記得上次係樂富玩既時候, 家希可以自己一個人坐O格.


今日非常 Good, 無乜人, 唔駛排隊, 玩完一樣又一樣.
連跳樓機都係家希一個人包晒.
玩過幾次, 一支公自己玩都唔驚.


彈彈車, 我同Papa 各自同家希一齊玩, 真係好鬼彈下 !

最後到波波池.
呢個場, 裝修後都係第一次玩. 真係大左好多.


滿地都係波.
不過太多頑劣既小朋友, 所以Mama 我昅到家希實一實.

最興奮見到d 波波從天而降.

相信黃埔呢間冒險樂園係最大一間, Sir 滑梯都有好幾條, 真係好滑下, Mama 我玩過一次, 真係嚇死我.


每節時間15分鐘, 話咁快就完.
家希又點肯走. 好彩我地持手帶任玩, 如果唔係實破產都似.

玩番3個Round, 終於夠晒皮.

呢個好抵玩, 1個代幣有好多個波, 玩完仲有成5,6張飛添.