老實講, 龍床真係不如狗竇. 我地兩公婆成晚都好似無乜點瞓, 碌黎碌去, 又發下夢又醒下.
未夠9點, 個傻仔都起身LU.
都4歲咯, 自己去梳洗, 應付到既.
家希未住過酒店, 總係對房入面既嘢都好新鮮.
淨係玩個窗簾布都玩一輪.
又開又閂, 真係咁好玩咩 ?
10點鐘就係早餐時間.
黎澳門, 我都係為呢個夢工場早餐咋.
咪以為早餐無乜嘢食 !! 老實講, 確係幾多選擇.
一路食早餐一路睇Show. 真係睇到目的口呆.
最興奮係D 公仔會落台, 沿住每張枱同你影相.
所以食唔夠幾啖, 又影, 又食, 又影, 真係周身都唔得閒.
個半鐘既早餐食完,
去左樓下有間大型既玩具店. D 價錢都唔算平.
話明壽星仔正日, 就比佢揀一份禮物仔開心吓啦.
Check out後再寄存行李就出發玩喇!
今日Plan去滑草場.
澳門本身有2個滑草場.
我地揀左最近我地酒店果個大潭山.
相信大多數只係澳門人至黎, 見四周都係泊滿私家車.
去程搭的士都係30蚊左右.
其實可以搭酒店既shuttle bus去氹仔機場再沿住呢條天文台斜路行上山就到.
我地一點鬆d 黎到, 唔算多人, 得5-6個小朋友, 所以玩完一Round , 好快就第二Round.
玩完自己拖番個兜上去, 再排過隊.
玩左9個字, 開始人多, 排既時間都耐左.
之後我地沿住山落山,
沿途風景好靚, 香港無乜咁既地方.
去番機場搭shuttle bus返威尼斯食晏.
威尼斯門外好多遊戲玩!!
20蚊一ROUND 既木馬.
最衰要Over 6歲至可以自己玩, 白白要比番20蚊2人玩一轉. 感覺轉得仲耐過迪士尼.
仲比我地見到D 武士.
食飽就返酒店拎行李, 臨走仲同公仔影埋相先.
咁就玩完我地2日1夜既澳門之旅.
雖然澳門無乜嘢買, 但我地都買左呢堆嘢返黎.
由於行程緊密, 玩左2日啫, 就好似去左5日Trip咁, 攰爆 ~
希望下次再有機會黎既時候, 我要去晒所有博物館.
沒有留言:
發佈留言