【澳門遊- 上集】

期待而久既澳門之旅, 終於出發喇.

老實講, 我都未正正式式過澳門玩過, 所以有好多地方都好想去.

 

本身唸住直接向酒店Book房, 不過左Check右 Check, 其實發現係同網購買都相差唔1,2佰蚊咋, 最後癈事煩, 直接網購都好方便. 去番分行拎船票同 Confirm Email 去Check in就搞掂.
而家網購2大1小連埋船票+夢工場早餐都係 $32xx.
 

尊登Plan 好1月中出發, 過左聖誕, 又未到新年, 唸住唔會太多人, 加埋就當為家希慶祝4歲生日.

雖則瞓得1晚, 查實帶埋小朋友出門, 都幾多林審野要拎, 索性拖喼去, 等老公唔駛咩得咁辛苦.

搭10點班船, 其實都驚驚地會暈船浪, 點知反而仲定過老公個手車囉.

1個鐘既船程話咁快就咁.

第一個景點去大三巴, 淨係沿路上去個條路, 試食都飽左一半Lu.

澳門四周建築物真係好靚！

原來鉅記真係有羅信記呢個招牌, 一條街, 好似隔一檔就有鉅記, 駛唔駛咁多呀?

途經盧家大宅.

家希成日都要做小幫手 !

下一個景點, 加思欄花園. 其實無乜特別, 貪佢粉紅外牆, 靚囉 !

仲有個公園仔, 可以抖下之餘, 家希又走去玩.

其實佢隔離就係保安博物館, 可惜裝修, 休館.

準備過氹仔, 經過新葡京, 唔入得, 影下相都好呀!

黎到氹仔, 第一景點, 住宅式博物館.

呢度d 景好靚. 影相一流!

隔離就係婚姻註冊處, 家希見到人地影相, 死都話要睇喎.

仲有個公園仔, 勁舊式既氹氹轉. 好難至見到.

係時候衣肚, 去左官也墟, 即係手信街.

買夠嘢, 食飽就返酒店Check in.

撞埋4點有巡遊.

老公話要入去賭場走個圈, 我就同家希係中庭影到飽.

中庭個景好七彩，靚到暈，真係影唔停，點影都靚！

影到咁上下, 終於等到公仔出黎喇.

佢地係不定時同不定公仔走出黎.

 估唔到無乜人影, 仲見佢地d staff 係咁揮手, 叫人埋去影相.

擺底行李就過威尼斯.

查實威尼斯都係响金沙城對面, 極之近!!

估唔到個威尼斯大到呀~

淨係行去個展館都行到我腳踎.

老公話呢度有10個香港足球場咁大.

哇! 唔怪得我對腳攰到爆.

過黎展館目的係去冰之世界.

佢地有得借樓, 我覺得我地自己件褸仲厚過佢地個件.

呢度有冰雕睇之餘.

又有得sir 滑梯. 家希玩得勁開心.

好彩我一早準備手襪, 入面真係凍得好緊要. 唔怪得之前查詢過, 逗留半個鐘都會閃人, 係真架. 真係凍到手腳都硬晒.

之後就去食晚飯再周圍影下相.

差唔多時候返酒店休息.

黎番個浸浴, 舒服下.

睇黎, 酒店既床, 必會被小朋友狂跳.

夾啱時間, 買左件Cake 仔同家希慶祝佢4歲生日.