【甲午新春記】

 

今年起, 大年初一唔駛再撲出去拜年, 老公又係例排做通頂, 所以齊齊又瞓又Hea到中午.

無所事事做, 我地揀左逛商場食下晏影下相. 仲撞到財神添.

Citiwalk 都幾慳皮, 用番麥o麥做主題, 同聖誕一樣, 只係換左新年衫啫.

仲比我地撞見麥兜走出黎影相.

上次玩唔到呢個跳彈床, 今次唔多人, 又唔駛錢, 家希可以入去跳夠飽.

諗住搵d 馬既佈置黎影下, 點知行左成個圈, 先至搵到呢隻馬仔.

磨到夠時間, 返屋企等芝芝黎拜年.

年初二,

走左去摘士多啤梨, 專登揀去鶴藪, 貪佢唔多人又多田.

睇下我地既收穫.

呢度唔多有士多啤梨摘, 仲可以抜蘿白.

仲有個好大既蕉園.

另外有蔗水賣, 20蚊都幾貴下, 不過又真係好鮮甜.

途中仲見有沙律菜, 好大棵.

而家要搵小販檔都幾難下, 終於比我地周圍兜下.

我至愛既臭豆腐. 成10蚊舊, 加幅都幾大下喎.

準備上太嫲度拜年.

食開年飯. 細路仔自己一枱.

飯後甜品.

真係有排食. 今次我有得食呱~

自己摘既, 真係幾鮮甜吓.

年初三, 揀左今日去林村, 博佢今日又係跑馬日+車公誕, 起碼無左一大堆人先.

真係明智既決定.

新年都一樣無加價, 20蚊一份桔.

終於掛到上去.

今年多左幾個搵錢位, d 人真係有生意頭腦.

獅頭影相. 只係比封利是仔就影得.

 

仲多左好多影相位.

家希真係怕曬得咁厲害. 睇佢那晒口臉就知.

一樣泊晒所有花車.

逗留左短短一個鐘, 真係熱到出汁. 頂唔順要閃人.

再去小白鷺食晏.

　食嘢前, 去睇吓羊先.

咪以為2舊水一個Set無人食, 都有成村人等位.

黎左咁多次小白鷺, 都未踩過艇仔.

100蚊30分鐘.

由於我地有細路仔一齊玩, 所以玩之前, 要簽番個聲明.

家希未坐過, 勁開心.

仲有得自己負責控制艇左右.

接住去拜月老.

其實呢個青山嬋院, 都成5年幾無黎.

身後就係月老像.

小朋友都係貪得意, 要親自插香.

 

仲有許願池.　

年初四,

假期黎到尾聲, 今日專登出九龍搵馬影相.

 睇朋友相, 見到呢個年盒, 好巨大. 真係忍唔住即走去影.

門外仲有個細Size既年盒.

跟左我未夠2年既Phone 5 瓜柴, 轉左呢部5s 土豪金, 真係好靚.

接住到夜晚朋友飯局團拜.

飲杯.