【團拜忙不停】

繼新蒸頭忙完一連4日後, 返左2日工過冷河後, 又繼續開始忙團拜.

團拜前, 仲抽左少少時間帶家希去影相.

奧海城.

圓方.

新都會.

最後一站青衣城.

都好佩服自己.單拖帶住家希周圍走.

跟住下場就朋友團拜. 勁豐富既一餐.

基本上, 年年新年, 我地3個 Family 都會聚下.

睇住佢地, 一年長大過一年.

由最初, 傻下傻下, 自己顧自己, 根住開始有交流.

2012年新年

2013年新年

直至今年2014.

通常約親都撞正係琁琁生日.

順道吹埋蠟燭.

小朋友就係咁, 次次都會爭.

唯有一人吹一次啦.

最後卒至都家希.

而朋友就忙成晚, 大演身手, 扭氣球.

佢既搵食工具.

我都偷下師, 其實都唔算難.

晚飯時間, 小朋友自己一枱. 自己搞掂.

最後製成品. 水仙花一盤.

瞓醒後, 又繼續忙.

一早沙田拜車公.

再過海攝太歲.

搞掂晒又返去新界區Blog友團拜.

 

孖女, benson加埋家希都係同年.

4個之中, 家希係最大. 所以佢覺得好自豪, 以為自己係大哥哥喎~

家希仲成日整埋d 古靈精怪樣, 睇住佢地幾個既反應, 勁搞笑!

又係一餐豐富私房菜.

一樣由得佢地自己食.

家希個樣又想點?

一個電話, 又令佢地黐埋一齊, 連妹妹都忍唔住.

臨開學前一日, 終於約到老朋友相聚.

簡單一個Tea, 真係有講唔停既話題.

話晒佢生左咁耐, 都係第一次見佢個B.

5個月大都已經咁大件. 好可愛呀.

個Set 仲有杯雪糕, 話左唔準食咁多, 佢就大大啖食比你睇.