【家希愛打工 】

其實早係一年前, 已經知道呢個地方.

雖然佢話明3歲就可以Join, 不過個陣又覺家希仲細, 未必聽得明指示.

而家4歲, 加上又返左學, 多唔少都知道人地講咩 .

加上新春優惠, 成人唔駛入場費, 咁就抵玩好多.

專登揀番平日仲要係情人節添, 貪佢一定唔多人.

如我所料, 真係得十幾個. 所以玩得好Free 影得好Free.

估唔到個場好新淨, 感覺非常好.

加上人唔多, d 姐姐勁好人, 只係要我地揀想做既職業後, 佢負責安排Group 番d 小朋友同印埋張Lable落去我地本Passport 度.

我地淨係根據既時間去番有關地方集合就得.

一開始就上太空先.

查實上太空有咩玩? 數數有幾舊殞石.

返完工, 仲有糧出.

場內仲有大大架消防車同救護車.

佢地2隻仔, 梗係開心到爆, 有得揸嘛.

繼續下一份工, 要去做舞獅.
家希個樣好認真噢~

原來舞獅就係打下工夫, 扎下馬.

單腳企.

又擺出古靈精怪既樣.

都未回氣, 就趕住去做救護員.

d工作真係排到密麻麻.

出動前要聽一聽Breifing.

3個豆丁, 夾手夾腳抬住個假人要去醫院.

兜個圈就到達醫院喇.

接住又去做警察-機場特警.

唔知家希同阿Sir講緊咩, 表情十足咁喎~

亦係家希最期望之一既職業.

著起套衫, 揸埋支槍, 又真係幾型咁喎.

仲有得出黎巡邏添.

成班小特警, 好得意 !!

工作真係排到密麻麻, 完左特警, 又要趕住去做醫生.

換晒醫生袍.

準備做手術. 睇完呢個畫面, 真係好有仁心仁術 Feel.

最後就係做消防員, 亦係最多小朋友一齊玩既職業.

聽Breifing中.

聽完就齊齊出動.

真係好鬼型.

每人一支喉噴水救火. 玩得勁開心.

做左6分工, 佢地每人賺左$150, 就可以去便利店度買野飲. 真開心!!

每個職業至少都玩半粒鐘.換下衫影下相都差唔多用左一半時間.

而我地班媽咪就好似保姆咁, 企晒係門外隔住塊玻璃窗昅下佢地做緊乜.

臨走時, 大會預備好家希6個職業既相.

本身我都預左洗呢筆錢.

所以佢話4佰蚊6張相, 我就已經扑除. 再同朋友一齊Share 埋隻USB, 咁就連個底片都有埋.