【首次 K1 家長日】

期待而久既家長日終於到, 心情又興奮又緊張.

在職媽媽既我, 又唔可以日日接放學, 通常靠ee把口轉達我知.

家希入呢間學校都係即 in即讀, 根本無時間比佢適應, 感恩個傻仔由第一日返學至今都無扭過計, 無喊過, 好勇敢.

仲日日都話好鐘意返學, 返學有好多玩具玩喎~

等我之前一直擔心佢喊既問題, 原來係多餘既想法.

可能佢自己都知生活上有轉變, 所以令佢都長大了.

上學期終完結.

等候中, 睇住家希份發展報告先.

入面仲有家希係學校既生活相.

同老師傾左成半個鐘. 真係有d 唔好意思 !

 

由最初到而家, 老師一直都話家希講話好強, 帶動好多同學仔.

仲記得, 家希2歲個陣, 我仲擔心佢仲未識講嘢, 而家就講不停.

另外功課其實都係困擾之一.

 不過經過今次家長日, 其實家希做得唔錯. 可能真係我要求太高.

 學校做既堂課.

一個禮拜2日家課.

總括, 都係個句, 多嘢講, 求知慾強, 成日發問.

至於本發展報告會係學校儲3年, k3畢業就會成本比番我地.