【向世界出發】

早一個月前, 團購價 $ 130蚊就有一張世界之窗入埸飛,  家希未夠130cm高, 唔駛錢, 拿拿搵埋姑仔 Join埋去一趟.

仲記得自己細個果陣, 身邊D 同學都去過晒, 而自己都係响家希出世前2年, 先至第一次踏足. 真係 OUT 左D.

相比家希真係幸福得多!!

最快捷方法又深圳灣口岸過關. 估唔到今日唔多人喎~

再轉10分鐘的士路程都係30蚊人仔.

個門面仍然保持得好新淨.

今次主要為雪場而黎.

有個大溜冰場, 不過無乜人溜.

而我地主要係黎滑雪梯.

由於d 褸全均一size, 搞到家希好似鐘樓駝俠咁.

經過上次澳門冰之世界, 有晒經驗, 手襪羽絨一不缺少.

一入去就Feel 到好凍, 應用有零下既感覺. 仲有個大滑雪埸, 勁斜, 啱拪D想滑雪又唔想去咁遠既人.

我地主力都係玩滑輪呔, 大大個車呔.

多左姑仔幫下手. 家希玩完又玩.

越玩就越凍, 玩左半個鐘都頂唔順要走人, 都係 20蚊人仔入場啫, 都抵玩 !!

途經見到D電動車, 家希無得坐車頭喊到豬頭咁.

後來得知, 原來可以租車代步, 90蚊人仔一個鐘.

有得坐車頭, 即係開心晒.

架車勝在人行快過佢, 咁就安全得多之餘又可以抖下無咁攰.

入到黎, 食嘢都唔好諗住有正嘢, 我淨係食左碗酸辣粉就捱足成個晝晏.

搞埋而家係風車節.

周圍都擺滿大大小小既風車, 彩色繽紛.

估唔到呢度成20年, 仲保持得好新淨.

地方整潔都算唔錯.

咪以為黎世界之窗齋睇無嘢玩.

基本上憑有魚池, 都有個擋口仔可買魚糧餵魚.

水上大滾筒, 係香港想玩好耐, 不過次次都人太多.

呢度反而人少得黎, 只有佢兩表姊弟玩, 我就安心晒.

20蚊人仔一個, 由於無人等候, 玩夠飽至走.

大千揪, 家希話, 一路Fing覺得好爽, 要咪埋雙眼仲舒服喎, 真係識嘆 !!

身後呢個唔知咩大冒險, 由於唔駛錢, 勁多人排隊.

幾欣賞佢地園內既榭, 棵棵都裁得好整齊.

最後玩到太陽都落山, 係時候返香港.