【海下之旅】

呢個夏天, 拖到而家至黎下水禮.

今日決定山長水遠入黎海下游, 貪佢呢D水清又乾淨.

申請埋張許可證, 我地4大3細又一抽幾袋就唔駛咁狼狽.

呢度出名玩浮潛.

可惜早兩日落過雨, 令水濁左D, 但一樣可以清楚見到D魚係你腳下游黎游去.

原本唸住見識下浮潛, 點知家希誓不低頭.

未學過游水既佢, 係抗拒個頭浸落水既, 我明我明 !!

唔浮潛一樣有其它嘢玩, 獨本舟- 100蚊全日.

下次要黎試下先.

小朋友唔玩浮潛, 唔玩獨木舟, 仲可以玩水, 玩沙一樣咁開心.

最正呢度企得好出, D水都仲好淺.

家希其實第一次黎沙灘游水, 平時新界區D灘係同垃圾一齊游, 落水游就免, 玩水尚可接受 .

今次家希好Enjoy, 用救生衣代替水泡.

腳能掂地, 對佢黎講有安全感.

點知Fing 下Fing 下水, 行下行下, 一踏落掂唔到地既地方, 就緊張起黎.

著住救生衣既佢就變左自轉.

夾硬飲左幾啖水, 初初都喊晒口架.

後來習慣就咁抗拒.

相對黎講, 呢度既水唔凍, 浸住幾舒服,

記住去親泳池游, 家希總會手腳震.

嘗試水中表演飄浮.