原本係9月開學後唸住取消呢個班.
皆因個個星期日,晨早起身, 確係好辛苦. 仲要最遲10點要出門, 趕去食個早餐就上堂, 時間真係好忟水又攰.
之後又試下真係唔報, 睇下 家希有無怨言.
點知個傻仔真係記得畫班個 Miss Chen, 仲問我點解無去畫畫既.
無法啦, 唯有報番. 原來仲有一班係晏一個鐘, 咁就 Fit晒, 唔駛趕頭趕命咁辛苦.
呢 5 個月黎既畫作.
隔左2個禮拜再返番, 一落堂見到幅畫有d失望, 一睇就知唔係家希畫喇.
我個人認為幫, 就算幫, 都唔好幫得太出面. 搞到我真係有d 猶疑, 我既決定係錯定對.
不過見親家希上堂都好開心, 個咀又係不停, 唉~ 就當比佢去玩下, 開心下 !!
中秋節, 額外多左班整氫氣燈籠.
不過又係好明顯家希點會油得咁靚.
到左10月既勞作堂, 應節整番Halloween既嘢.
一見到真係覺得好靚, 當然又係覺得唔似家希整
但個MISS 居然話, 真係家希自己搓, 壓紋就係老師整, 噴色就係家希自己黎.
其實上左半年都無既畫班, 已經換左3盒顏色筆.
真係唔明白, 家希點用筆, 硬係用嘢咁粗架. 係咁幫我倒水.
沒有留言:
發佈留言