【回顧10月份】

頻撲左成個9月, 踏入10月份, 總算安穩晒.  同時可以同表姊佢地聚一聚.
家希確係勁鐘意同表姊們玩.  睇佢地3表姊弟玩得幾咁癲. 玩千秋唔駛落公園,  係屋企玩仲勁加 High.
 
仲初次試下自己整 Pizza.

 
晚飯過左去貧民區打冷, 8個餸有埋海鮮都係5舊水埋單, 勁抵!

 
第二日, 完左畫班, 心血來潮, 走左去東涌摸蜆.
我都醒, 做定 Re-seach, 準備好晒工具, 踢晒拖仲帶埋衫後備, 污濁都可以換丫嘛.
 
呢度全部都係泥灘, 用寸步難行形容就最貼切.

 
睇黎, 家希好努力咁掘呀掘.

 
PaPa好快脆就掘到隻.

 
不過d 水漲得好快, 所以無乜收穫. 不過我地都係至在黎玩下啫.
蜆就無喇, 反而蟹就有3隻.

 
月中係家希間幼稚園 Open Day, 估唔到個Open Day有咁多野玩,
一玩就玩左3粒鐘.

 
仲比係响家希個課室見到佢係學校做既美勞.

 
第一次見佢自己係學校去o署o署, 唔駛人幫.

 
入秋後, 再一次黎舀沙.
日落下既黃金.

 
久別了大棠, 政府話收番官地後, 今次都係第一次黎.
仍然有牛車坐.

 
梅窩, 記得對上個次黎既時候應該係04年.
今次帶埋家希黎行下. 目的又係黎舀沙同放風箏