【久別大棠遊】

自從上年話政府收番大棠撻地, 我地都未去過.
原來只不過係收左一少部份.

所以趁今日, 涼涼地, 去一趟.


估唔到呢間吉列進軍入我地屯門.

睇到個Menu, 差唔多個個Set 都成2舊水架.
所以老公提議去食Lunch, 佢有Lunch set, 會化算d 喎.


食吉列, 例排指定動作, 磨芝麻.


芝麻加醬, 用黎沾吉列食,  對於我黎講,  我鐘意沾沙律醬多d.


蠔癮又發作!
只係加幾廿蚊, 有碟生蠔, 等我可以止下渴.


食完咁豐富既Lunch,  呢個仔, 一見到雪糕都唔放過.


今次黎大棠既目的, 主要係為左呢隻牛.
記得家希對上一次黎既時候, 仲係好細. 未有機會坐過牛車.

我地同姑奶一家, 6個人包車走一Round.


原來d 牛走起上黎都好快, 一話起步就起步.
仲有好人性咁, 識聽人話, 伯伯叫佢轉彎佢就轉, 叫佢放慢黎行, 佢又真係放慢黎行,
好搞笑.


雖然有部份官地被收番, 羊仔同白兔仲係度.


有得餵小動物食嘢, 家希至鐘意.


唔止有羊同兔仔餵, 連鴕鳥都餵得.
睇下表姊個樣幾咁驚.

個沙池仲係度, 傻仔初初見到仲話要玩,
點知行到埋去, 見到咁多沙, 就話污糟喎.


買左包魚糧, 勁多魚黎搶食, 真係咁餓 ?


姑奶話呢個象仲真過d 真象喎.


真鴕鳥唔騎得, 假既就照殺啦.

接住去番元朗食B仔.

終於可以試下佢最出名既B仔涼粉. 但我地將個底由涼粉轉為西米.

果然係好大兜, 我地4大2細都係啱啱好K.O 左佢咋.