【初次摸蜆記】

好都無郊遊喇, 突然心血來潮, 學人去摸蜆又親親大自然.

今次我地揀左東涌, 係逸東邨附近個灘. 泊低架車行一陣就到, 景又靚.

我都醒, 之前做定 Re-seach, 準備好工具, 踢晒拖去. 仲帶定後備衫, 污濁都可以換嘛.

呢度全係泥灘, 用寸步難行黎形容就最貼切.

踢拖可能係錯既選擇, 應該要著水鞋至啱.

一踩落d 泥度, 完全係啜實左對拖, 又驚大力扯會扯鬼爛我對拖. 真係苦惱.

 

赤腳行一定易更多, 但又驚唔小心踩到尖銳既殼.

 

Papa 一於少理, 大大步咁行, 仲要抱住家希, . 而我就用龜速速度, 搞到同佢地相距幾十個人位.

我對拖變左不似人形既鞋, 變成泥漿鞋一對.

 

揀好位, 就準備掘呀掘.

 

好快脆, Papa 已經掘到隻蜆.

呢個貪玩仔, 玩到唔願走.

掘掘吓, 條友仔似玩水多.

 

仲叉錯腳, 成隻腳踩落個水兜.

 

最後收穫只不過得一隻蜆, 三隻蟹.

臨走見到有清水, 洗下腳先.

 

身後就係逸東邨.

 

沿路行番出去, 其實都有好多靚景影相,

呢棵係棵大樹木.