【回顧開學週】

9-2 星期一
全城開學日，各人忙住開學，而我就偏偏係呢個時間忙住搵學校,  一早同 Sharon 請左假, 再準備個朝係新校搞  Interview,  其實都唔想比家希咁大壓力, 無奈....一定要係我區搵到學位.

幸運地，家希表現非常好，仲即時搞入學手續., 再老遠出觀塘搞退學 ，然後去葵興買校服影學生相， 趁等快相既時間,  我地一家三口拿拿林攝個時間衣肚.  半個鐘快相終於到手.

 

距離學校5點半閂門時間仲有9個字, 唯有Call Van 趕番去學校.

交晒雜費就得到呢堆物品.

 

 

接住再去買黑皮鞋同多對白波鞋.

 

 

 

再係每對鞋加番Label



用左2粒鐘, 將每條手巾仔加名.


返總算搞掂學校既問題, 終於可以鬆口氣.



9-3 星期二

家希正式開學, Mama 我再拎半日假帶佢返學,.

都唔明已經預早左2個鐘起身, 但都搞到趕頭趕命既.  連我自己都緊張埋一份.

正式學校, 都要封番封利利是是, 一切順利.



撞正天雨路滑又整路, 兜大圈搞到差不多夠鐘.

去到學校門外,  同家希再整理下, 老師就帶佢入去,  傻仔回頭望我,  個刻有點up, 依依不捨Feel.


臨落堂再去昅下家希有無扭計先. 但又要唔好比老師發現, 喊聲就無, 淨係聽到家希又係咁問老師, 你唱咩歌呀, 都唔知你唱咩歌.

預早到去學校門外, 準時12點, 我地成堆家長就湧入去, 再搵到家希課室排隊接放學.

 

接住就去搵Papa 接更.

坐巴士駛一陣, 傻仔就瞓著左, 乜返1個鐘既學會咁攰架?

 

 

接放學証同埋學生証.

9-4 至 9-5 星期三至星期四 今日校服Look.



接住呢幾日, 老公都請上晝假, 帶家希返學.
2個鐘既上課時間.

一樣無喊, 睇黎佢已經Enjoy左返學既日子喎.

呢間學校連 Lable 都提供埋, 根本唔駛我地家希去整.
可能佢地想大家一致d 呱 !




呢2日姑奶幫手湊.

老公接放學就帶家希過天水圍.

姑奶不定時Whatsapp 家希既情況.

仲記3年前, 家希又係要姑奶暫湊幾日, 日喊夜喊. 而家唔喊不停止, 仲笑料百出.



姑奶仲幫家希沖埋涼添.



6點就開飯, 乜咁早既.
傻仔仲自己食, 唔要姑媽餵之餘, 仲食得好快.

  

可能平時係婆婆度太多雜食食, 次次搞到正餐都唔肯食飯.

而家跟番我地, 循規蹈矩. 定時定後, 同時可以Train 下佢自理方面, 都幾好呀.

 

9-6 星期五

好感恩, 老公既舊同事可以暫時幫幫手湊家希.
今日第一日試行. 

睇黎家希真係好懂事, 完全無扭計, 仲好老積叫Papa 返工啦, 佢去ee屋企.

成個晏晝都唔肯瞓覺, 最終唔駛9點就暈左lu.



而家暫時每朝都由Papa 湊家希8點半返學, ee 就12點接放學, 而我就收工趕番去接仔.

同時我地生活上正正式式係一家三口生活.

開始要煮番飯, 煲下湯水.

捱一年, 出年K2轉全日班.