【畫Course 去留】

每星期日, 家希都照常去畫班,  11點上堂, 我地朝朝都趕頭趕命, 最遲10點要出面. 仲要趕去食早餐, 辛苦左4個月.

又啱啱撞正9月開學, 屋企煩事一籮籮, 唸住Close左個 Course.

呢4個月黎既畫作.


其實每次見到佢既作品, 都幾開心. 雖然成幅畫唔係佢一個人完成, 一定有姐姐幫手.

不過, 次次去偷睇佢, 佢都係把咀唔停又好開心咁既款.
同埋又唸唸下, 當比佢練下手仔既力都好.


最後停左2個禮拜, 都係報番, 時間就延遲一個鐘.
12點上堂. 咁時間就好用好多, 唔駛咁趕.

不過無返2堂啫, 今日既作品, 對我黎講有d 失望, 一望落去就知唔係家希畫啦 !!
佢邊會畫得咁整潔.
希望下堂唔會再係咁啦.


中秋前夕仲幫佢報左個整燈籠Course.
一樣令我失望, 實在太靚. 我唔相信家希會油成咁.


啱啱上個禮拜, 呢個手工作品.
總算有點安慰.


其實我唔係要佢整得肉肉酸酸至開心,
只係我覺得, 比得錢佢去個Course, 應該由佢一手一腳做.

我係想要個係出自家希手作, 就算一Pat嘢, 我都會開心.