早一個禮拜, 知道數碼港又有活動搞. 有D 心郁郁想去玩下.
近數煩家事, 基本上踏入個9 月, 逢 Weekend都係留屯門.
今次趁假期去抖抖氣.
真係發現近排衰氣越黎越勁, 接二連三咁.
第一站去左民武廟插番幾注香.
第二站過左去銅鑼灣, 兼做埋工事. 再去埋維園影呢個大波波.
第三站, 衣飽個肚直踩入數碼港.
其實都唔算多人, 如果呢個活動係荃灣或市區搞, 應該插針都插唔入.
玩遊戲前拎番張遊戲咭.
cup 滿5個印仔就有禮物.
其實所有遊戲都唔駛錢, 只係要時間啫.
有時間可以排完又排去玩都得.
呢個跳彈床條人龍差唔多繞場左半周.
最終我地放棄唔玩.
玩完遊戲揀禮物.
第四站, 返去屯門BBQ.
老實講, 今個年度, 首次BBQ, 可惜就撞正我喉嚨痛, 燒鬼燒馬.
不過家希對呢D 新事物極有興趣,
就算對住個火爐咁鬼熱, 一於都無有怕.
成功燒左2條腸仔.
表姊一早就走左, 淨番表叔同家希玩.
返屋企仲有時間, 拎番副戰利品出黎玩.
沒有留言:
發佈留言