【初次摘士多啤梨】

其實大早好耐之前都好想去摘士多啤梨家希, 不過天氣又太凍, 又唔想去.

原本又打算家希生日正日去, 不過老公唔方便用車.

幸運地, 今日天氣好好, 晨早起身Check 過, 有20度, Good !!

順道約埋婆婆去食齋.

今日唔多人, 家希知道有得摘士多啤梨, 不知幾鬼開心.

驟眼睇, 個園好多唔多士多啤梨, 但慢慢逐少逐少咁睇, 其實都有好多又紅又大既士多啤梨匿埋左.

只係教左家希幾下, 佢就好快上手, 仲好鬼快剪落去.


第一次揸交剪, 已經唔錯, 佢既小肌肉都ok.


最後我地摘左一磅, 50蚊.


摘之前, 我地去衣肚先, 呢度D 齋真係好抵食, 記得舊年都黎過, 依然無加價, 70蚊碟, 大大碟.
次次必Order 竽頭魚.正!!!

記得上次黎既時候, 天陰陰, 今日陽光普照, 一場黎度, 上注香先.
家希都唔少得上番支.

今次個佈置仲好有中國色彩.

回程順路去埋睇羊羊, 不過D 羊似負食飽飽了, 已經比人困住左.
再去樓上, 今次有艇仔撐.

仲記得一年前家希2歲個陣 (click here) , 仲未識玩, 今次唔同晒Lu. 已經識得自己撐.