【美國雅培EyeQ醒目BB運動會】

話說, 早10日前, 有個陌生人留言, 佢邀請我參加佢公司既Event.
膽粗粗既我, 就答應左, 根住佢就Sent D 資料比我睇, 原來係雅培贊助既活動.

佢地同埋Fist Little Step 一齊搞左個Baby GYM. 費用全免.

當日預早些少上去, 已經好多工作人員响度.
一黎度, 工作人員即邀請我地係塊佈景板番張即影即有既相.
張即影即有既相, 質素真係好差, 真係好唔明點解咁多人仲鐘意用呢D機影相.

好彩Mama 我有出動埋自己相機喇.
 

仲唸住家希大過仔, 見佢初初影相時, 仲OK 架, 同埋之前又帶佢見過D Blog 友, 表現好好.
點知準備入遊戲室就開始扭計.

最終比Mama 我氹下, 家希又OK 咁喎.

呢個Event 總共有20個小朋友. 由1至3歲.
一向都覺得家希細粒, 原來佢拍埋D 歲幾既小朋友, 顯得家希好高大. 佢地個個都好Baby, 好細粒, 好得意.

PR 姐姐搞左3個遊戲, 但個人認為個場地太細, 仲要塞左20個小朋友再加埋家長, 工作人員, 情況都幾混亂下.
家希成3歲, 梗係所有指示都明白點做, 唔駛我地協助都完成.

不過呢個仔就會鬧情緒囉. 鐘意做咪做, 唔鐘意做, 點氹都O采你都傻.



唔鐘意咪, 乜都Say no.
 

中段時間,比左盒橙汁佢飲. 好似開始妥協.
 

完成3個遊戲, 大會就派証書.
其實佢地個Event 主力都係Sale 佢地既奶粉, 遊戲都係其次.

家希一見到有Bubble, 即刻發晒光, 仲自己肯走埋去.係咁o益住要自己吹.

所以呢......話佢怕生保應該係錯, 只係睇佢本少爺想唔想做啫.


由一開始, 家希已經昅實哥哥支結他, 已經Warm up 好既佢, 咪夠膽埋去問哥哥借黎玩囉.
 

最後活動又點少得彩虹傘.
 

完左活動,家希見到佢既籃球又點肯放手呀.

心情好, Mama 我點影相都無問題.
 

Event完結, 估唔到仲有禮物拎, 又食又玩又拎. 真係好Happy.

 

哇~ 原來D 禮物係咁豐富架.