【聖誕 2010】

【平安夜2010】

今年平安夜唔諗住出街 Lu, 人太多, 諗番起早幾年, 我地倆公婆出去趁熱鬧, 淨係响尖咀搭船去中環都用左2個鐘, 諗番起真係好似受苦多過享樂.

 

而家仲有埋家希, 梗係唔駛諗. 大人捱到苦, 小朋友又點會捱到呀.

 

所以決定邊到都唔去, 留係屋企睇電視.

 

早收工, 經過屋企樓下, 買左份聖誕禮物比老公, 好似已經好多年都無咁過呢個驚喜Lu. 哈哈~

 

返到屋企, 婆婆終於可以放假喇~ 呢個家希無聊極點, 拎住個水樽都可以玩餐飽. 係咁用手指整個奶咀. 好肉酸呀 !!!

 

【遊中環@聖誕日'10】

抖左一個平安夜, 聖誕日梗要出動帶家希去影相相.

點知一出門, 個天陰陰, 仲有少少雨粉添. 搞到成日都好驚家希會涷親.

屋企樓下個大堂佈置左聖誕氣氛, 終於有時間可以影Lu.

老公無渣車返黎, 所以我地搭巴士過海, 家希計起上黎, 好似坐唔夠10次巴士添, 今次架車無乜人, 我地足足可以霸夠3個位一齊坐.

第一站去 IFC, 老公話個度既佈置好靚喎~ 落左巴士要行一段十幾級既樓梯, 抱住家希既我, 真係行到氣都喘. 但老公都唔好得好去邊, 要抬住架車仔+雜物. 少D氣力都唔掂.好彩入到商場, 呢個家希肯坐車仔咋.

IFC個主題係糖果, 仲有人表演, 不過我地無欣賞, 只係掛住抱住家希影呢度個度..

 我地膽粗粗, 抱家希坐係圍欄入面去影相,睇佢個樣.....幾呆滯 !

 

接住上一層, 影呢棟聖誕樹, 唔知係咪熱得沛, 初初仲扭身扭世, 除左外套就見番個笑樣.

影完相, 係時候衣肚, 去左翠華食佢既出名奶油豬, YUMMY !!!

之後, 搭左幾節既電梯上山睇吓風景.

路經舊差館有展覽, 入黎影吓個景都好 !

 

 

趁未封路, 入去蘭桂芳兜個圈影張相先

再去埋煤氣街, 睇吓家希個樣, 幾不滿 !!

 

 

係時候要同家希換片片, 去 Landmark搵吓有無育嬰室, 撞啱又有靚燈飾, 當然唔放過.

 

 

天都黑lu, 家希扭眼瞓, 一坐落車仔唔駛幾耐就瞓著左. 不過已經 Feel 到好涷, 係時候要閃.
 

仲有下埸.....要去太嫲到打邊爐, 其實個心唔多想去, 又鬼死咁涷又太風, 家希又著得單薄, 不過老公應成左, 無法啦~~

點知去到成村人, 連車仔都入唔到屋, 真係有d 嬲嬲地, 話明得家姐細妹, 點知仲淨2個Family 就人齊晒..頂 !!你睇家希喊成咁.....

因為唔知點解漏尿, 搞到成身濕晒, 又無後備衫褲, 求其拎左套衫褲頂住先.

睇吓 ~ 家希呢個Fashion 係咪好in...in 到佢都喊..哈哈 !

意外收穫, 多左件羽絨. 不過大得沛, 我諗出年家希可以啱身d.

【聖誕 Look】

舅父舅母買左套聖誕老人衫比家希.

 

白雪雪既家希著起上黎零舍白淨.  個衰豬好似知道 mama同佢影相相, 所以擺出唔同既post 屎.

呢個樣, 真係好似舅父仔個樣