【半歲前大回顧】

【BB ♥ Lai @ 0 Month】
出院第二日, 第一次同家希沖涼.


12 朝家希仍然最愛瞓覺.



【BB ♥ Lai @ 1 Month】
1個月, 表情多多


1個半月, 大件左好多.


【BB ♥ Lai @ 2 Month】

家希2個月, 已經比1個月前梗硬淨. 仲識好多嘢添 !! 
 

片片濕左識得話我地知, 又識得用口推開個奶樽, 有陣時仲懶得推開, 照擘大個口, 唔啜, 由得D 奶奶 or 水水係口邊流走.

瞓覺前要人抱抱至乖乖入睡. 閒時無嘢做, 都要有人坐係佢視線範圍, 如果唔係會大叫.

仲識得望公仔添 ~ 

第1次出去睇夜景.



第1次發燒係2個半月, 健康院打2支針.

 

【頭臥臥@ 3 Month 】

繼家希 2個月同佢練頸力時, 佢頭仔已經可以撐起一陣直至而家, 佢一反轉, 個頭臥得比以前更高, 條頸硬到不得了. 有時我仲驚佢會整親.

 

佢好鐘意人地幫佢反轉, 之後佢陰陰咀笑, 好似好開心咁 !!

睇佢臥都好頭咁高, 好似駱駝丫 !! 哈哈 ~~

 

通常玩幾十秒就會將佢反番轉, 比佢抖吓,  呢個樣, 好大個仔咁, 都唔似 3 個半月既 Baby 既.

好鐘意人地將佢抱直

 

【BB ♥ Lai @ 4 Month】

片片升Grand 用M 碼, 奶量由於亞媽話家希食唔到6安, 次次都要倒奶太浪費, 改番4安一餐, 每日6餐, 時間好regular.

第一次食糊仔.

 

已經轉左奶粉幾日+ Blog 友既建議, 希望佢d 吾吾可以去番1日1次啦.

4個月可以 "唉" 住黎坐.

 

 

【BB ♥ Lai @ 5 Month】

家希 B 已經5個月.

 

可以自己反到身

 

閒時, 家希會自己係度講牙牙語, 又不時尖叫, 渣住玩具會好肉緊咁即塞入口, 最鐘意我地同佢玩飛飛. 有時開心會大大聲笑, 好搞笑.

每日一條牛奶蕉. 

 

鐘意我陪住佢瞓, 可以瞓得冧d 耐d.

開始識認人. 少見既人會驚驚扭計. 最愛見到婆婆, mama同爸爸.
 

已經可以捉到自己對腳, 坐底食 "炆炆", 對手不停咁捉腳指.

成功學識反身, 一有機會, 就要扒响度. 每次瞓醒, 第一個動作就係反身.
 

學緊坐, 試過放係梳化, 比之前坐得仲要定. 對腳比之前更有力, 企得好硬淨.