【四合1 + 肺炎鏈球 の第2針】

4個月多D, 家希又要到健康院左右肶捱 2 針.

頭圍 42cm, 身長 66cm, 體重 6.62 (14.5磅), 頭仔大左2cm, 身都長左 6cm, 但我覺得個體重較輕左. 

 

今次呢個姑娘, 個人應為, 學我老細話齋, 可以再做好D. 態度唔係差, 只係唔 Nice 囉, 問多句都好似唔多想咁.

 

循例都係問我有無咩想問, 我梗係想問吾吾呢個問題. 答案都係一樣, "只要吾吾係軟身" 2日1次都無問題. 

 

不過比佢話我沖奶既方法唔啱 !!  一向沖奶, 我都會另多加 10ml 水, 姑娘話咁樣唔得, 一定要跟足份量. 又話餐與餐比水BB飲, 唔好多, 只係濕吓口就好.  

心諗究竟呢個姑娘有無生過仔架, 究竟係用佢既經驗定係照書咁講架 ? 如果照書咁講, 我都識字, 駛乜你講啫 ! 又話個體重正常, 問佢100名算排第幾, 佢就話無話排第幾, 頂~ 明明見本手冊有寫 25,50,75,90. 

 

接住姑娘同家希做d 簡單 Test, 拎住個玩具鈴, Fing 左 fing 右, 家希都會跟住望, 再比個玩具鈴家希, 家希望住, 好似唔夠膽抽手拎, 姑娘放係佢手前面, 家希就打開手渣住.

之後就要過隔離房受刑. 

 

返到屋企, 大家小睡片刻, 小睡前探熱正常, 入夜後個身開始慶, 最後 21:00, 有微燒 (38度), 飲左退燒藥, 家希成個人Wing wing 地, 而我就成晚每隔1個鐘就同佢探熱 + 餵佢飲水水.

而老公就大覺瞓天光.