今年家希 2 歲, 識行識走, 決定去 M記搞生日會.
由於家希正日生日係响閒日, 所以我地預早响星期六度搞.
諗左好耐, 要係美心同聖安娜做決擇, 決定用晒餅咭+錢訂美心.
2磅應該夠食.
預先係屋企同家希影左相先. 一打開, 家希就已經"哇" 左一聲.
Mama 我 Book 左 2點半至4點. 仲提供埋相比 M記.
由於呢間 M記對出已經係空地, Papa 拎左支 Bubble 槍去.又成為佢地既 Favorite.
家希又亂槍掃射喇 !
唔知家希係咪知自己係主角, 平時唔鐘意帶帽, 居然呢頂生日帽由頭帶到尾.
開始玩遊戲, 雖然家希未明白指示, 但起碼佢知道大家係度玩緊.
好留心聽緊姐姐講解.
Mama 我都好驚訝, 估唔到家希全場走, 又興奮到跳舞.
Papa 仲向 M 記姐姐提議比家希擇骰仔.
玩左陣, 黎個Break先, 小朋友又走出去個空地玩 Bubble.
係時候砌蛋糕. 家希又做D古靈精怪既樣喇 !
手指指, 咪皆因佢睇中D生果.
周圍都係照相機, 好有開記者招待會feel.
黎得 M記,太多都係熱氣嘢, 粟米就至啱不過.
咪以為家希係度啜手指, 查實佢係渣住左粒士多卑利係度啜緊.
阿仔你食得有儀態d 啦~
派禮物時候, 家希真搞笑, M 記姐姐遞比佢, 佢居然係用手穿住, 等其它小朋友自己拎.
嘩嘩嘩~ 呢堆就係家希既禮物, 屋企又要堆積如山.
沒有留言:
發佈留言