休息左 3 個禮拜, 又係時候返 Playgroup.
陳姑娘响上一當提過我地, 下個 Course 開始要同小朋友準備個袋仔.
由於我地成班小朋友都上左2 個 Rround 既幼潛, 所以今個 Course 開始會同以前個d 有唔同.
排隊隊入課室, 小朋友要自己將個袋仔放番去自己個私家 Tray.
之後就可以拎玩具埋枱玩.
估唔到個個小朋友都好乖乖, 揀自己想玩既玩具坐埋位.
今個 Course 開始, 我地家長唔再同小朋友一齊坐, 只係坐係最後一排凳望住佢地上堂. 呢種類似幼稚園模式咁上堂.
估唔到家希比我想像中ok, 佢都唔算扭計, 可以自己坐. 只係隔唔中擰過頭對住我地笑.
大運動時間,新歌仔, 所以初初比亂, 小朋友無家長協助下跟住姑娘做, 呢 Part 唔得, 所以個個都走黎走去. 來要家長幫吓手.
之後就排隊隊過隔離課室. 個個都好乖. 坐定定聽講解.
2 人為一組,家希最鐘意掟,仲要一路講個掟字一路出盡力定落個兜到.
家希平行力係麻麻地.行呢個單杆, 成日都叉錯腳, 反而跨欄無問題
運動過後, 茶點時間 ~
一聽到有嘢食, 原本走黎走去既情況即刻變成拿拿林搵番個位坐先.
自己拎紙巾抺手仔.
等待發餅時候, 一個二個小朋友既樣都好心急.
【Lesson 2 】
今日晏左上去, 家希拿拿林放好袋仔就去揀玩具玩.
不過呢個傻仔鐘意望人地玩多D.
又再一次拎份穿串出黎玩, 仲穿到眼都唔眨.
家希唱歡迎歌時, 仲興奮到大叫拍手.
例排要自己搵番自己個樣貼上巴士度. 不過家希成日都將自己貼到斜晒.
訓練用手指夾開個衣夾, 呢part 無難道, 皆因家希有玩開.
今堂每人有一盒私家泥膠, 初初我仲驚家希唔肯玩, 好彩佢最後都係掂.
每次見到佢地幾個小朋友乖乖咁坐埋一邊好留心睇住姑娘示範時, 都覺得佢地好得意.
茶點時, 開波時仲眼金金昅實.
點知派到每人一塊時, 唔知係飽定無興趣, 咬左一,倆啖就放棄, 仲將包包放入水杯度浸水.
【Lesson 3 】
今堂有小勞作, 家長協助下, 同小朋友一齊整聖誕樹.
大肌肉玩坐凳子. 初初家希都要Papa一齊陪跑, 玩左2個 Round, 已經唔駛再要Papa 陪, 自己跟住音樂跑.
音樂停就要搵凳仔坐, 不過幾個小朋友都未識得即坐.接住就揭起塊紅巾. 睇吓有咩收埋左.
原來係d 聖誕裝飾品, 小朋友自己揀番件.
沿住路障.....
自己掛起聖誕樹上面.
茶點時候. 今次係食蛋糕仔. 個個都食得好滋味.
落堂, 陳姑娘仲向每個小朋友送上聖誕禮物.
【Lesson 4 】
家希熟左地步, 自己玩完一樣再收番好再拎第二樣黎玩.
今堂比小朋友畫線線. 不過家希呢方面仲未拿握得到.
唱運動歌, 家希終於唔再得個望字. 肯自己郁. 呢個動作係扭緊 Pat Pat.
之後排隊隊過隔離房玩大肌肉運動.
每個小朋友輪流玩跳彈床.
茶點時候, 睇吓家希幾開心...等待派餅時候 !
【Lesson 5 完結篇 】
早幾日收到 Starting Blocks 電話, 佢地話因為經營理由, 中心要Close. 所以今堂係最後一堂, 餘數會退番Cheque比我地.
渣巴士, 小朋友貼番自己個樣上去. 家希坐車頭....哈哈.
家希最開心呢一 Part, 扭黎扭去.
顏色配對 !
其實Mama 我平時好少同家希做呢Part, 所以佢都係立亂擺.
做運動, 呢首歌唱左5次, 其實都唔太記得點唱, 太長篇.
接住過隔離房玩Lu.
家希又喊喇! 咪因為想痴Mama 我囉.
扭左陣, 開始玩啦 !
家希又回復正常.
今堂大家係最後一堂, 小朋友都玩得好顛.
茶點時間. 今堂食旦旦. 仲暖暖架.
仲係最快既一個可以食到旦旦, 真係叻叻.
由於我地呢班d 小朋友全部都係1,2月之星, 今堂又係最後一堂, 我地提早同班小朋友慶祝佢地2歲生晨.
沒有留言:
發佈留言