吽左幾個月牙仔, 終於見到個窿, 完全好似d人 mook 完牙, 淨番個窿咁. 好奇妙呀 !!
開始識得啜手指, 加上而家出牙仔, 無時無刻都啜啜啜, 啜到成口都係口水不得止, 見到d咩都好, 仲會成個咀咀埋去啜啜啜. 有次仲拎住 Mama個手袋係咁啜, 哎呀 !! 好核突呀 !!
Blog 友介紹, 買左呢套牙刷比家希試吓刷刷 !
佢有分 3 個Step, 由 6個月大已經可以開始用, 而家家希先黎用, 其實已經可以用Step 2. 不過我想佢習慣吓, 所以由 Step 1 開始比佢用吓先 !!
確實家希又幾鐘意咁喎, 梗係啦~ 出緊牙仔既佢, 恨不得可以拎嘢塞埋入係咁磨磨磨.
你睇佢個樣就知...刷得幾肉緊
7個半月, 已經開始學習點樣可以令自己企起身.
【BB ♥ Lai @ 8 Month】
呢7個月至8個月期間, 家希比之前學懂更多嘢. 由之前只會係度碌黎碌去直至可以爬, 由爬直可以自己扶住d嘢企起身, 由企起身可以由企慢慢向下坐係度. 見到佢咁, 覺得好開心, 家希開始長大了 !!
7個月時, 仲只係識得反身, 開始嘗試 "吉" patpat, 學爬 !!
而家已經好自如, 想爬去邊咪去邊囉, 正確黎...係用個肚磨, 想磨去邊度去邊, 可以由床頭去到床尾, 睇少陣都唔得.
每日奶奶 2-3餐, 粥仔3餐. 呢個餵食貓, 睇黎鐘意食粥仔多過奶, 粥仔可以食唔完.但奶奶通常係扭眼訓時至需要.
Mama 無婆婆咁本事, 煑親d粥仔, 家希梗食清光, 而 Mama 個d...食幾啖就擰晒頭. 連粥舖既粥, 家希都食到lam lam 味. 真係 Hurt !!!
確實婆婆d粥賣相係唔錯咁. 已經嘗試過唔同味道都無問題. 日日不同, 基本上家希食既粥都走唔甩粟米南瓜廋肉蘋果紅羅白.
【BB ♥ Lai @ 9 Month】
有時扭眼瞓又肚仔餓, 居然可以食食吓恰眼瞓, 仲要瞓著埋...真係搞到我地O晒咀.
家希如果可以日日都係咁, 自己乖乖一個人坐係度玩玩具就多麼的好lu.
【BB ♥ Lai @ 10 Month】
仲係發聲叫o爹o爹 DaDa, 開始好似學講嘢咁, 都係佢d BB話囉.
唔知佢嗡乜......開始每日都開美語世界比佢睇, 一見到frog會尖叫, 可能我成屋都係 Keroppl, 佢諗得呢隻綠色怪物呱, 哈哈.
【BB ♥ Lai @ 11 Month】
11個月既家希, 仲係發緊佢D牙牙語, 開始聽到佢發Ba,ma類似咁既音. 腳仔已經好有力, 可以撐起身扶住D嘢慢慢行. 有陣時仲會鬆開手一陣添.
自9個幾月起, 日日都比家希响個地度周圍爬, 其一可令佢腦部發展, 其二係佢已經唔甘願留係網床 or 學行車囉. 周圍爬就可以周圍搞搞陣.
最開心就係個走廊度爬, 又最搞笑係佢爬既時候, 隻手好大力咁踏落個地度, 發出踏踏聲.
但近排鐘意係地度游, 游黎游去.
沒有留言:
發佈留言