不過要由大屋搬細屋, 真係有好多嘢煩.
由03年同老公搬左出黎住,直至而家都成 8年喇~ 計計埋埋d 租金都可以自己供層樓, 之不過無首期囉.
黎緊既日子, 就要煩搞間屋, 又要裝修, 而家D傢俬起碼有一大部份唔要, 由於間屋好細, 仲要塞我地3個大人 + 一個BB, 其實淨係我地2公婆+家希都OK, 之但係又要有人湊家希. 唉~
第時仲要大家你眼望我眼, 以前就話唔鐘意咪閂埋房門, 而家邊鬼匿埋.
如果家希快d可以入學就好, 放係學校等我收工再接番, 咪幾好...
呢度得個2個幾尺, 講真2大1細都可以接受.
終於真係有屬於自己個竇, 我真係好想整得好好睇睇, 舒舒服服.
呢個廁所細到丫 !!! 都要改建改建.
沒有留言:
發佈留言