【最後一個虎年の晚上】

Mama 我病左成個禮拜仲未斷尾, 由喉嚨痛延變成咳. 真辛苦到極點 !! 但又幾驚野到家希.

好彩呢幾日個天暖番d 咋..

今日年三十, 公司收半Day, 忙左幾日, 終於收爐.

人地習慣年廿八洗邋遢, 而我就鐘意年三十晚用碌柚葉洗白白黎迎接新年.

收工拿拿林去花檔買番擇.

家希都唔例外要洗邋遢.

洗完白白, 呢個少爺仔要瞓晏覺, 我又可以自由活動, Yeah !

歡樂時光只得2個鐘, 之後醒起屋企既奶蕉無晒, 如果今日唔買, 可能要過埋年至買到, 換句話, 家希咪幾日都無蕉食 !!! 

唯有硬住頭皮, 帶埋家希落街買, 點知抱住家希行足三個街市至比我買到, 我對手痛到爆, 好彩去到屋企樓下, 撞啱Papa早收工, 可以接力咋!

呢梳就係辛苦得黎既奶蕉.

夜晚見家姐細妹都返太嫲度團年, 咁就趁人少少返去, 之後就可以初二再見lu.

今次去到太爺太嫲屋企無扭計, 已經肯比人抱. 不過人人開餐食飯, 而我就要坐埋一二邊餵呢個大少爺食粥仔, 真係慘 !

返到屋企仲要封利是....一大堆, 唔知夠唔夠派呢 ?

 

但係呢一晚, 我懷住心事渡過............................