【不一樣之情人節๑2011】

一早同老公夾定今年情人節瞞住婆婆北上, 皆因婆婆會覺得我地掛住去wet 唔湊仔. 所以癈事解釋咁多, 就決定扮返工北上.

大大話話成2年無出過境lu, 佗B一年, 湊B一年. 老公最想揼骨, 而我最想睇吓D 窗簾家居材料. 用左幾個禮拜時間re-seach深圳邊度有家居廣場, 臨出發前一晚狂係個深圳地圖睇睇睇, mark 晒地區, 最後鎖定目標.

朝咁早起身, 預番時間出門, 屋企樓下正正村巴直到上水, 由於繁忙時間又唔想同人迫, 我地係上水搵間冰室嘆早餐再滋滋悠悠上去. 最樣衰過香港境, 拎住張回鄉証過e 道, 勁低能 ~~ 仲要比個好心男士見到, 提我用錯咭, 真瘀皮.

今次轉轉新地方, 朋友介紹”香江明珠”, 足120min仲送一項大堂項目, 最後揀左美容部熱石推拿, 好正 !!
 

骨鬆晒沖埋涼就拿拿出發去東門整窗簾, 呢度成棟都係整窗簾, 成五六層, 之前re-seach 見d 人話早d做, 可以即日取貨. 可惜我要埋條銅, 點樣都要運, 所以決定連布一次過運, 最蠢係唔記得講價 !!

 

之後去寶安北路既起凡家超, 記得d人話响藝展中心隔壁, 不過搵黎搵去都唔見.

原來改左名, 叫 "藝茂中心", 唔怪得兜左幾個圈都搵唔到, 呢度勁大, 成7屋樓高, 我地淨係行左3層買左盞田園燈就放棄. 再去埋附近既家之幅. 原本想買d 浴室用品, 點知呢度又好多牆紙, 點計落都平過香港. 最後收獲2卷牆紙, 1個水頭同埋個廁紙盒.

家之幅係一層過, 又係勁大, 入到去好似迷左路咁. 

呢度多數賣牆紙地柀少量燈飾, 仲有d浴室廚房用品. 我地仲係度買左個水龍頭 + 廁所盒, 不過款式勁多, 都唔知點揀好.

呢盞係响藝茂中心買既田園燈, 開價 CNY $ 188, 講價 CNY $ 160

牆紙, CNY 90 卷

失策準備人仔唔夠, 連晏都無食, 但又餓, 唯有放膽係街邊買左 2串嘢黎食, 真係悽涼. 唔知佢地用個d 係咩油, 唔會係千年油呱 !!! >.<

時間已經無多, 搞到5點幾仲係深圳, 由於要趕住返香港會合cf, 所以勁想去田貝四路個邊, 但都唔去lu.原本約好cf上新屋交key同埋講埋d 少少嘢, 點知老公拎錯key, 搞到要cf 跟我地一趟返屋企.

cf仲比d色板我揀廚櫃, 哇~ 今日好似不停選擇顏色同款式, 搞到花多眼亂.

最後揀左呢隻有淺粉紅+木紋做櫃門.