【聖誕夜‧搞扒地】

原本計劃去BBQ, 不過時間問題, 最後改在係姑奶屋企搞Party.

家希好耐都無見過表姊佢地, 所以不知幾鬼開心.

老公提議每人買份100蚊既禮物, 比小朋友去抽.

姑奶Order左Pizza, 而家係咪物價高賬左, 四百幾蚊既餐, 好似得好多嘢咁, 食完都唔夠喉.

又唔知係咪最低工資問題, 送外賣都要攝埋張請人街招, 真係搞笑~

3個表姊, 最細果個都8歲喇, 家希都只不過係個3歲人仔, 相比之前, 攪攪陣, 無幫襯,
成日比表姊昆左出黎個廳度, 家希又一次係咁拍門搵表姊.

玩到咁上下,抽禮物時候.其實d 禮物都係為家希而設居多.
睇家希個樣幾High, 唔通抽到份好嘢?

拆禮物時候,家希八八卦卦都要睇吓表姊個d 係咩禮物.



拆完禮物, 再拎埋個蛋糕出黎食.
最近生日果個係家希. 搞到好似為家希以設咁.
個傻仔真係好開係唱生日歌仲自己走去吹蠟燭, 切埋蛋糕.

臨走時, 呢個傻仔仲扭計唔肯走, 要繼續玩, 睇黎佢真係勁鐘意表姊佢地.