【Lesson 22 @ BabyGym 動身又動腦- 完結篇 】

話咁快, 係方Sir 呢度上Playgroup 已經半年喇~ 黎緊家希3歲, 同時間呢個Course 代表要完結, 要退役.
講真, 真係有D 唔捨得, 習慣左每個禮拜都會黎呢度架嘛 !

今日中心已佈置好番, 好有聖誕氣氛, 仲有捰好巨型既聖誕樹.

踏草地, 呢d 係真草, 無非係想佢地嘗試不同感觀.
估唔到家希完全唔驚.


準備玩大肌肉時間, 小朋友排排隊.
最搞笑, 其中一個小朋友搭住前面一個, 跟住其它小朋友都有樣學樣.

 每人拎左咭紙, 排隊跳飛機.
家希第一次跳.
估唔到識得跳.
家希, 全部人睇你表演呀, 加油 !!!


行平衡木, 已經唔駛我地扶.
識得自己掌握點平衡.


玩完大肌肉, 大家換上服裝.


Iscas 同家希一樣係1月之星, 都係返埋呢個Cycle 大家都退役.
家希比Iscas 大2個禮拜, 但身形反而細咪過Iscas.


特意造張聖誕咭, 送比方Sir, 答謝佢呢半年既教導.
對家希黎講, 總算係一個記念.


 在要求之下, 都可以拎番封証書.