【港島 の 燈飾巡遊】

而家唔駛返Playgroup, 時間多得是.
上晝畫完畫, 晏晝計劃好, 要過海, 首先去阿貓地灘食個晏, 睇睇貓.

唔知係咪時節關係, 每人要設最低50蚊消費, 家希咁細都話至少要Order 杯飲品喎.
但一杯飲品都成30蚊, 咁不過用40蚊Order 件Cake 飲咪仲化算.

朱古力Mousse, 係咪好好味哩~

午餐, 長通粉, 睇佢飲得幾喉禽.


檸檬茶係家希既Favourite

飲晒無嘢好做, 走去食檸檬,好滋味咁喎~


過得海, 梗係想去影LEGO.
人真係多架, 隻隻都有家希咁高大, 好正呀!


跟住再去中環, 由家希出世至今, 年年總會去 Landmark 影相.
今年好靚, 白色聖誕.


根住再去埋皇后像廣場. Tiffany 佈置, 捐30蚊, 可以拎膠牌寫番祝福語.



呢頭寫緊祝福語, 個頭家希已有發現,
睇佢個樣...發現新大陸咁喎~

咪就係遠處呢個旋轉木馬.

又係捐30蚊做慈善可以入去玩一轉.
未達高度, 需1位家長陪同.

未開動, 好似好緊張咁.

一開動, 成個人唔同晒, 勁High 勁興奮. 轉咁耐, 個口就不停講嘢.

準備搭船番尖沙咀前再去IFC.


一上船, 個傻仔就瞓左.
我地安安樂樂咁去到海運仲要搵個地方坐吓, 等家希醒.

冒險樂園外邊有隻薑餅人走黎走去.

仲派汽球添.


掟彩虹, 今次家希好叻, 掟左幾個幣就有二佰幾張飛, 仲易過玩碌保玲囉.