【5th Wedding ♥ Anniversary 反轉迪士尼 】

結婚5週年,計劃好要去反轉迪士尼, 仲記得1週年我地2公婆都係黎呢度, 如今, 過左5年,已經變左三人行喇.

擔心左成個禮拜, 勁驚今日會落雨, 對上個次用150蚊入場, 但又落足成日雨, 好掃興囉.

估唔到今日天氣勁好, 晏晝時間仲熱到要著短袖衫, 真係 Very Good !

一早老公兜左我地倆母子入去先再收工入黎接應.

家希知道去迪士尼, 鬼咁開心, 成朝咀咪咪咁笑.

膽粗粗倆母子入迪士尼, 已經有朋友係入面接應.

仲幫我地Check 埋時間, 可以晡到薑餅人影相呀. 真係好奇妙, 家希由細開始, 佢完全唔驚呢D公仔人物, 見到佢地仲好興奮. 真係當左佢地係真正卡通人物.

連店舖都佈置得好有聖誕氣氛.

經過D 小檔舖見到呢架搖控車, 家希已經眼金金.
D 哥哥仲好好人, 比家希玩番幾手. 用朋友張白金咭8折左都要4舊幾水, 其實真係好鐘意, 可惜太貴.

Papa 收工入黎, 排左半個鐘, 玩轉小飛象.
唸番起, 其實家希都係第一次正式玩呢類機動遊戲. 唔怪得佢咁開心喇~

再去埋對面騎木馬, 點解你個樣咁傻架 ?

中段時間, 食住熱狗叉下電, 準備去睇Golden Mickey.

跟住朋友入場, 可以唔駛排隊, 又坐到最前一排. 正~
呢個Show 又真係幾好靚,加埋音樂, 小朋友係最鐘意.
家希仲時不時拍手.

接住去衣肚, 一個焗豬無飲品, 都六十幾蚊. D 飯硬左少少.

多左2個新Land, 次次都無機會去, 今次一定要去Toy Story走一趟.

多謝朋友協助, 招集晒4個傘兵影番張合照.




U 型過山車, 睇見我都驚, Papa 仲話比人老點排左最高個排. (箭咀指住果個就係Papa)



我地梗係响下面為Papa 打氣喇, 家希睇到好肉緊, 不停揮手高聲o益 : 爸爸, Hello !
 

彈曲狗太多人, 留番下次至玩.
灰熊山谷今次都未去過, 又係留番下次.

預先拎左Fast pass, 帶家希玩一轉Winnie the Poon.



再去埋磁車天地. 家希黎左2次都無玩過. 
 

自己揸車, 不知幾鬼開心.
 

臨走仲要擺鋪屎影相.

預番5點半去大街Join 埋朋友睇聖誕巡遊. 仲有飄雪.

大過仔, 見到店舖成日都要拉住我地入去.

搵佢做人板, 帶條頸巾黎睇睇!
其實呢條用朋友張白金咭, 拆左都係百一度, 真係有D 心思思.


6點9就係聖誕亮燈, 成條大街都企滿人. 頭頂仲放煙花.
家希睇到眼都唔眨. 仲不停話好靚呀~~

聖誕節黎迪士尼真係好有氣氛, 好靚.


由於個9點至放煙花, 我地已經成身散晒, 都係撤退.

夜景噴水池, 都係第一次影.

走既時候, 我地返酒店攞車.
呢度有條捷徑通去酒店, 路程都係10分鐘. 沿途只不過係一個公園仔, 都幾靚架, 又乾淨.

 

黎左咁多次, 其實未算正正式式玩晒所有嘢.
所以決定Up-grade 埋紅咭, 黎緊一年, 要反兜再兜迪士尼, 玩番夠本.