【新世紀 の 燈飾巡遊 + 踩單車樂】

上完堂, 原本想去沙田, 不過見家希好似好攰, 都係返屋企好D.

經過新世紀, 又走入去影吓相, 聖誕節, 周圍都佈置得好靚.

返到屯門,時間仲早, 老公提議帶家希去踩單車, 其實上個禮拜已經答應過, 可惜天公不造美
今日, 又唔凍唔熱.

家希一聽到我地講踩單車, 成個人彈起身,鬼咁開心.

因為屋企個架三輪車已經滿足唔到家希, 對佢黎講四輪車等於大過仔呱.

仲成日話佢會食多多飯, 隻腳就會夠長可以踩到.

單車場係屋企附近, 其實都幾方便, 12蚊1個鐘, 對家希黎講, 已經好滿足.