【Mami Happy Birthday 2012】

今年生日原本想去海馬公園，不過最後因時間問題，撤銷

老公仲話，生日梗係同阿媽食飯喇，記念當年咁辛苦生我出黎喎，仲話第時我都想家希生日會同我食飯喇，咁又係既！
Book食放題.

另一原因婆婆未食過，順便帶佢試下.

上晝辛苦了家希上足兩個鐘畫班，晏晝都係唔好周圍去，比家希瞓番個晝覺會實際d

今次揀左松屋，有同事幫襯開，值得一讚坐位好舒服，有D放題好有壓迫感，同隔壁前後只係差1／3人位，轉個身都難.

呢間寬闊好多，大部分係卡位，仲有BB凳添.
 
食物方面不過不失，有凡立貝，不過個樣唔多新鮮咁，好彩我主攻三文魚，都幾厚切，所以食左40幾片已經好流，鮑魚片都唔錯，美中不足就係無甜蝦同北寄貝囉.


熟食都係d大路嘢，串燒天婦羅烏東拉麵金菇卷炸蠔乜都有.

塞左家希食左2件加洲卷同烏東已經飽飽.


飲品任飲最緊要，好多選擇, 唔一定汽水, 連清熱飲都有，正！


一坐可食三粒鐘，同朋友一齊應該最 Perfect.

睇吓~ 家希極度不耐煩，食放題真不宜帶小朋友，哈哈〜


仲扭計唔準我影佢添!!



食左兩粒鐘再加大帝o益住走，最終放棄雪糕，一來家希咳，癈事唔比佢食又野佢，最殘忍就係大家一齊無得食囉.

走時搭子蛋Lift，即開心番晒，Mama 我仲問家希去唔去睇燈燈？



海運已亮燈了，趁未算多人，帶埋婆婆去影相.

今年紅噹噹，連聖誕樹都紅卜卜，好有氣氛.



家希又扮cool, 眼仔碌碌擺鋪屎

夜晚返屋企, 又點少得要食蛋糕.
有得吹蠟燭, 點少得家希, 佢可能以為佢自己生日喎~~

呢個蛋糕其實係為家希而設, 佢至愛既士多啤梨.

最後點少得拆禮物.
睇家希個樣真係好好笑. 硬係表情多多. 

又係我至愛既Keroppl, 不過Papa 話買佢其一原因係可以放家希部I phone 喎!!