【秋風起の錦田俱樂部】

尋晚老公答應左家希, 今日帶家希去餵羊羊.

食過早餐梳洗後, 差不多成點至出門.

老公之前仲不停同家希講, 可以餵羊羊食草草, 白兔食紅羅白.

渣車去, 好快就到.
家希一落車就拍晒手, 好開心.
去到餵羊仲搶住自己買草草.

睇番咁多張家希餵羊既相, 真係忍唔到笑左出黎. 原來佢個樣係咁玉緊.

洗乾淨隻手就要過隔壁渣車車.
20蚊20分鐘.
電動車, 一踩腳踏架車就會郁,
 

全場車任玩, 任轉款.

大草地, 有人係度野餐, 有人係度放風爭, 家希就拎佢最常玩既Bubble. 黎吹.D 風真係好大, 成日食泡餅.

撓公魚, 傻仔點會成功呀, D 紙浸兩嘢就穿, 不過自在比家希玩吓.



佢已經好開心.臨走時, 家希見到有Sir 滑梯, 仲自己埋去排隊玩.

有個小朋友sir 完仲坐係度唔起身, 後面個o靚妹係咁叫佢走開.

四周企晒我地各家長, 最終有條麻甩佬拎住包蝦片行埋黎, 聲都唔聲. 我地各人係咁望住佢兩父子.

佢老豆至斯斯然叫佢個仔起身, 當然佢個仔o采佢都傻, 但呢友仔齋企, 大家對峙左好幾分鐘, 最後至埋去拉佢個仔走開.
呢d 都唔知咩人, 有其父必有其子.