婆婆屋企附近有2間心儀學校, 都係同一日做Interview.
距離Interview 日子越近, Mama 我就越緊張.
一向隔中都有同家希做練習, 佢都識答, 點知臨Interview前2日, 問佢既顏色, 答錯晒 ! 搞到我開始緊張.
萬一面試個陣都係咁既話, 咁點算 ?
學校我只搵左2間, 其它太遠, 要搭校車, 唔放心.
點知Interview前1日, 發生我最唔想發生既事, 家希發燒!
原本計劃好, 比家希係婆婆度瞓多晚. 第二朝抖足精神.
無法啦, 拿拿林請半日假去接家希返屯門睇醫生.
醫生話無流鼻水同咳, 唔係傷風感冒, 只係有輕微喉嚨發炎. 燒炎藥,退燒水加開胃水.
傻仔7點食左藥, 一瞓就第二朝.
老公安排左朋友車我地出去. 搵婆婆食埋個早餐, 諗住預早3個字去學校. 點知門仲未開, 真係要夠鐘至開門做登記.
好好彩, 我地攝到第1個.
眼見新移民幾多, 無辦法啦, 屋邨學校丫嘛, 呢間優勢係响屋企樓下, 極之方便.
第一間, Sharon
等候期間只係播動畫, 但由於新移民多, 好鬼嘈吵囉. 家希好乖, 全程無不耐煩, 靜靜坐係Mama 我身邊.
由於我地排第一, 老師做晒登記就o益名叫我地入課室.
眼見好似有4-5間課室會做Interview.
我地2對2.
家希坐低已經有講早晨.
老師 : 你叫咩名呀 ?
家希 : 黎家希
老師 : 食左早餐未呀 ?
家希 : 食左, 爸爸買包包比希希食, 爸爸返工工搵錢錢比希希碌Bowling, 射籃籃
Mama 我有d 驚喜 !
跟住老師一路同家希傾計, 一路做小小Test, 大致上家希都完成.
臨走老師仲拎左盒奶奶出黎
老師 : 家希, 你要唔要呀 ?
家希 : 要, 多謝, 跟住就轉交比我.
離開時, 都有講Bye Bye.
全過程只不過係15分鐘. 真係好快, 走既時候學校仲送左個汽球添.
另一間, 觀浸
原本撞期, 更改時間.
第1間咁早就完全, 膽粗粗試下照去登記.
點知都可以接受.
呢間等候時間, 小操場有好幾張枱仔, 上面有唔同玩具玩, 不過全部唔係家希杯茶, 無興趣, 仲開始無乜耐性, 好心急係咁叫Mama我去排定隊入課室。
又係亂沖亂撞，比我地排第一，哈哈～～
每次應該大約有2-30人同時間Interview.
每間課室有4張枱, 只可以一個家長相伴, 小朋友入到課室, 是旦揀1張枱埋位, 老師打過招呼後.
同之前果間一樣, 家希有問必答佢. 老師仲問Mama 我佢係獨子 ? 講嘢好叻喎!
測試既嘢其實都係家希平時日常玩既嘢, 見既嘢.
臨走個刻, 老師有餅餅送比家希, 家希都有講多謝, 之後就BYEBYE. 消息就要等2個星期.
Mama 我好開心, 一直都擔心家希唔肯對陌生人講嘢, 今日佢既表現令我好驚喜.
In晒2間都未夠11點, 去附近公園比家希放吓電
晏晝等Papa 收工返屯門食Tomata, 家希最鐘意食呢度既士多卑利旦糕.
次次都搶住要自己切.
之前同家希講好左, 如果佢今日表現好, 肯答老師問題, Mama 我地會獎勵佢, 帶佢去冒險樂園玩.
就係咁,响呢度洗左成5舊水呀.
見人地玩, 自己又想玩, Mama 我就同家希講, 人地玩緊, 你要玩就要排隊等.
其實Mama 心裡知道家希好乖, 佢唔會扭, 靜靜企係側邊守候.
但小朋友又點會咁有耐性呀, 家希等到咁上下, 又用手撳下呢度撳下個度. 呢位妹妹手就不停推開家希, 口就不停話我玩緊.
玩左2節, 8個字, 就洗左80個幣.
之後又要走去玩佢最鐘意既碌Bowling.
玩玩下, Papa 手多多玩埋一份, 家希唔比Papa 掂, 就手舞足蹈係咁講, No 丫 ! No 丫.
真係笑死我地.
沒有留言:
發佈留言