【家希渡假 の Pami 相識 8 週年】

新竇搞掂, 終於可以接家希返黎, 只係拎左1日既AL 就連放4 日, 咁樣又可以對家希多幾日.

之前勁驚家希跟番我地會扭計, 因為家希住慣左婆婆家, 就算係婆婆家都黐到實一實, 連mama papa都唔要.

呢4日家希唔算話乖乖, 仲時不時扭計, 又係出佢個招, 唔鐘意唔滿意就大發脾氣, 冚頭落地, 同埋仲摑自己, 而mama我梗係一於少理, 由得佢係度大吵大鬧, 唔駛幾秒, 家希又回復咩事都無, 呢個小朋友真係識得扮嘢.

家希發脾氣就好忟陣...

接住就冚頭落地



轉個頭又爬番上黎, 好悽涼咁望住你



我知道如果縱容佢, 佢下次會變本加厲.
Sunday 實在太好陽光, papa 提議帶家希去踩單車, 屋企附近有個單車塲, 租左架3輪車, 梗係又papa 出力, 兜左半個鐘. 

睇吓家希幾尊心玩緊 Papa 電話.

可能太舒服, 又有d 風吹埋黎, 家希居然瞓著左

兒童節, papa 無假放, 又撞啱樓上裝修, 狂鑽嘢, 忍受唔到, 唯有大膽嘗試獨自帶家希落街食早餐, 原來大家樂好好service 架, 見mama我一個人帶住bb, 會比個牌仔, 叫我埋位等佢地拎餐同bb凳過黎, 真係要比 10個讚 !


家希又再次係街到大發脾氣, 終於明白點解有咁多小朋友周街大吵大鬧, d 父母都無乜反應, 我嘗試到. 哈哈 !


住屋村, 無咩多, 最多就係公園, 勁似d 7仔咁, 梗有一個係你附近,諗住帶家希去公園玩陣, 可能呢個衰豬開始攰, 係時候要瞓晏瞓, 所以唔願落地, 無法 ! 唯有下次再玩過啦.