本來今日呢個試堂有少少唔想去, 可能已經 Join 左 Starting Blocks, 如果唔係已比左錢, 應該會放飛機 !
橫掂都比左錢, 就玩埋去啦.
今堂家希係插班,尋日個班, 家希就最大, 今日就變左最細既一個.
本來想報同家希同Group 個一班, 不過full 晒, 最快都要7 月至有. 到時佢都歲半, 太耐喇 !! !
所以呢度既人叫試Join 呢班, 試玩吓.
可能今日家希瞓飽飽, 全程都蓮子口, 好心情.
而我地又早到, 不過呢度地方我個人就覺得無 Starting Blocks 咁好, 如果早到的話得個等字, 唔似 Starting Blocks 有d 玩具比小朋友玩住先. 消磨吓時間.
呢度d導師姐姐係幼稚園老師,一開始家希已經呱呱叫, 聲大大, 見玩具仲自己走埋去玩. 見人地話入籃佢又走去拎個波入埋一份.
今次搵papa 渣機影相, d 相都過得去啦 !
橫掂都比左錢, 就玩埋去啦.
今堂家希係插班,尋日個班, 家希就最大, 今日就變左最細既一個.
本來想報同家希同Group 個一班, 不過full 晒, 最快都要7 月至有. 到時佢都歲半, 太耐喇 !! !
所以呢度既人叫試Join 呢班, 試玩吓.
可能今日家希瞓飽飽, 全程都蓮子口, 好心情.
而我地又早到, 不過呢度地方我個人就覺得無 Starting Blocks 咁好, 如果早到的話得個等字, 唔似 Starting Blocks 有d 玩具比小朋友玩住先. 消磨吓時間.
呢度d導師姐姐係幼稚園老師,一開始家希已經呱呱叫, 聲大大, 見玩具仲自己走埋去玩. 見人地話入籃佢又走去拎個波入埋一份.
今次搵papa 渣機影相, d 相都過得去啦 !
點名唱歡迎歌, 之後就做d 熱身.
仲要訓練埋小腳仔, 一路聽音樂一路圍圈行, 音樂停就要腳踏膠磚仔, 不過好多小朋友都踎低用手拎住.
又行平行木, 又要"娟" 山窿, 個個小朋友都會塞係個山窿度, 唔知點解呢!!
接住仲有 Tea Time, 有得食, 家希就流埋口水, 每人可以攞5塊餅餅, 家希真係驚死比人搶, 左右手一齊拎, 未吞完就塞第二舊入口, 最後mama 我靜雞雞收起一塊, 等家希以為無晒, 淨得佢手上個塊, 佢就慢慢食. 呢d咪叫做唔好執輸囉.
睇吓佢另一隻手緊緊咁拎住,係留番最後至食.
最後就小小工藝, 估唔到家希可以為復活蛋上顏色, 不過連行都未識行又點會識得渣住支筆黎上色呀.
本來都驚家希整到成手都係 Colour, 最後都知道好難控制, 算吧啦, 由得佢自由發揮, 整邋遢咪同佢抺手囉, 好過就住就住玩.家希個樣好尊注喎...
上完色就要幫個杯仔貼貼紙裝飾
最後製成品........
沒有留言:
發佈留言