【向迪士尼出發】

Mama 我放十日大假, 原本打算過大海玩2日1夜, 可惜留意個天文台成個禮拜, 天公不造美, 唯有放棄, 都係遲吓預埋婆婆一齊去, 化算D, 多人住一間房, 抵D丫嘛.

Papa 照攞日假, 見一早起身有太陽無雨, 雖然唔係籃天白雲, 陰陰天咪仲好, 唔想曬到成隻熱狗.
準備好一壺粥2餐奶 (其一餐Back up), 就向迪士尼出發.
搭輕鐵轉機場巴士去到收費亭再轉 R8, 全程9個字. 仲快過返工囉.
家希一見到個水池就沖埋去, 佢好鐘意水, 而Mama 我就可以成機試埋部新相機.




入到商店舖都唔放過,機不離手, 而家希見到咁多公仔, 拎完一隻又一隻.


人唔算多, 大多都係d 大6團, 禮貌, 排隊, 呢d 完全唔識.



坐馬馬仲掛住啜手指.




睇住家希行路好好笑, 彈吓彈吓咁...勁似d 卡通人物



轉個頭就唔好笑, 因為又扭計, 要抱抱 !! 懶鬼 ~



睇巡遊個樣都唔宽容架



睇黎係夠鐘要午睡, 瞓前衣埋肚先.



而Papa 趁呢個時候去玩機動遊戲, Mama 我梗係陪住家希啦.



瞓醒坐火車氹個圈



坐完火車就啱啱好,搵卡通人物影吓相. 估唔到家希見到佢地好興奮係咁叫, 好幾次, 人地仲影緊, 家希就想沖出去.......

而卡通人物都好熱情, 係咁同家希玩, 家希開心到唔捨得走.

仲同米奇Kiss, 又成日捉住米奇個鼻.







未排到高飛就係咁沖, 排到可以埋去, 又驚驚, 要d 哥哥仔幫手引埋一份. 同高飛黎個Give Me Ten



個天開始黑, 係時候開餐, 我地豪一次, 係樂園入面d 餐廳食晚飯, 價錢比相像OK. 2個餐承惠 280大元.

仲有9個字就8 點, 仲考慮走定留, 最後me me 摸摸決定睇埋煙花.

好彩我地車仔上有雨擋, 呢個時候就正正可以舖係個地度當蓆用.

8點做亮燈, 五分鐘就完, 仲諗緊要等成廿五分鐘至有煙花睇, 咪有排等.
亮燈前

亮燈後



就正啱呢個時候, 家希送我一篤屎. 哎呀 !! 屙左屎, 死火! 拿拿林單拖抱住家希沖去廁所, 每個女廁都有個育嬰台, 三兩吓就洗完換完, 趕番出去, 時間啱啱好.

家希第一次睇堙花, 起初仲擔心佢會驚驚, 估唔到佢睇得好入神, 完場仲拍手添.

係城堡前睇煙火, 加埋音樂, 個View 好正, 由於全程 Mama 我又錄又影, 無點正式睇, 希望下次再有機會睇

完場啱啱好有巴士正接返屯門, 唔駛去收費站轉車, 放便得多.