【新竇暴光】

用左我5日時間, 新屋總算執好八八九九, 不過仲有d林審嘢未執好, 太多櫃, 都唔知放邊樣至啱.

 一入屋右邊係曲尺櫃,

估唔到傢私阿姐度位真係咁準, 塞埋我地既飾櫃 & 地櫃,完全fix都漏, 剩番幾分位咋. 大少少都入唔到, 比十個讚 !!

好滿意呢個曲尺櫃, 如阿姐話齋, 真係好深, 可以放好多嘢. 最重要可以收埋晒家希d玩具, 玩既時候至拎出黎

左邊係床, 北上訂造窗簾布既作用就係咁用. Colour方面好似金過頭添. 而張子母床既顏色設計, 估唔到比我相像中好, 換埋新貓貓床單, 好good !

屋仔細細, 其實都無乜必要有2部電視, 不過又唔想浪費. 就叫cf幫我地鑽上牆. 整左上去又幾好咁喎~

因為要就呢條水喉, 床尾造多個1尺衣櫃再加埋原本我地既大衣櫃. 就造成間房.

衣櫃既另一邊係廳.尊登張2個衣櫃釘埋一齊再黐牆紙, 做成一幅假牆.

cf 話個衣櫃背既螺絲太凸, 所以全部起晒換揼釘, 一來個櫃會實淨D. 再黐埋牆紙就貼好多

 

 呢個窿係傢俬舖阿姐設計, 等我地可以放d 林審嘢.不過都好深吓...暫時唔知放D乜好.

洗衣機計漏左水喉位, 搞到個污衣籃唔夠位入, cf 話等佢下個月完左手頭工程就幫我改位. 而家唯有塞住個吸塵機先

廚房D嘢仲未執好, 淨係塞埋入櫃先.最重要唔想咁多雜物放晒出黎.



廁所太細, 放晒所有雜物比我想像中OK