【大屋搬細屋】

尋日搞好晒訂造傢俬個part, 今日朝早8點就到搬屋公司.

年幾前因大住個肚唔方便自己搞, 所以老公姑姐介紹呢間搬屋公司, 年幾後今日又再搵佢地, 搬既嘢少左, 反而貴左, 皆因通賬囉.
 

如果唔係有個大衣櫃要拆要勘. 老公會自己搬, 無法! 呢d 錢都係要比人賺.
 


廿箱紙箱+ 6大袋紅白藍 + 一大個旅行O急+ 大堆林審嘢  

用左半個鐘就搬清個場, 唔駛9點半就將個堆嘢塞晒入我地個細竇, 快手都不得了.





 


接住就要unpack 番d嘢, 仲煩過pack 嘢, 真係攞命 ! 掟走晒d箱, 淨係一袋袋, 完全無從入手, 訂造櫃都係為呢堆嘢而設, 但係要諗諗放d咩嘢先至煩. 又要分類.


由於晏晝約好cf上黎執手尾, 到時又要鑽窿, 又要再抺過. 唯有休場去食個晏, 等cf搞晒至執.

最on居之前山水長又遠返大陸買左個水嚨頭, cf話呢舊嘢好劣, 遲早都會漏水, 聽見到都覺得煩.

拿拿臨落元朗帝朗買, 點知去到先知無單向冷水, 只得冷熱水. 激死 ! 無奈買第二個牌子