10點半去到婆婆度, 執拾行裝. Call Van直接去.
對上一次黎呢度, 係公公臨走前1年, 距離而家都有3年喇.
估唔到呢3年間, 成個海洋公園都唔同晒.
未入場, 係外面影吓相, 換吓飛都擾攘左成半個幾鐘. 而家海洋公園幾似迪士尼, 又係成日有人走埋黎同你影相, 目的係想Sales 你買相, 不過我每次都會叫佢用番我部機影多次.
終於入場喇~ 第一時間梗係去租番架BB車. 車都有2款, 單人& 雙人位, 不過雙人位就上唔到攬車.
接住就去海洋世界. 推住車仔可以搭Lift.
首先有海星睇, 仲可以摸添, 只需要洗一洗手就可以, 家希不知幾開心, 梗係啦, 佢以為有得玩水囉.
沿路行, 比起以前果個海洋館係遜色左.
仲以為家希鐘意睇魚魚, 點知佢一埋去望兩眼就閃. 仲一味拉住Papa 隻手係咁向前走. 我估計佢覺得隔住塊大玻璃, 無興趣. 所以想影番張企定定既相都無可能.
睇完都係時候衣吓肚, 因為我想家希同婆婆坐得舒服d, 所以去左海龍餐廳食晏. 雖然係貴左少少. 最低消費要3佰幾蚊, 不過生日有coupon, 可以8折.
食飽飽就去隔壁熊貓館, 今次好好彩,隻熊貓行左落黎, 仲要坐咁係面前添. .
家希仲係咁叫貓貓. 睇黎家希似Mama 咁, 對鐘意有毛動物興趣多d
接住帶家希去環迥水世界, 咪即係旋轉木馬, 但D 馬變晒海洋動物. 原本諗住同家希影吓相, 可能佢扭眼瞓關係, 所以唔肯坐仲係咁扭.
排隊上攬車條隊唔算多人, 但唔明點解D大陸人硬係要貼住你個背推住你黎行囉. 好似驚死上唔到車咁. 老公仲問, 我地係咪返左深圳, 成個公園都係D 大陸人囉.
攬車每次經過個D架位, 都會發出聲音同震, 家希就係咁笑.
去睇劇場. 由於無打算坐低坐, 睇到咪睇囉, 隨緣 ~
睇吓家希個樣已經進入左呆呆沛沛狀況, 我地只係企响度睇左1陣就走人.
回程坐火車, 一路飲奶一路瞓覺, 我估計火車入面都黑黑暗暗,都幾適合瞓覺.
原本打算坐老公老細車, 不過見家希成朝D 鼻水Keep 住流, Mama我有d擔心, 決定返屯門睇醫生攞定藥穩陣d. 老公再安排叫同事兜我地出九龍.
忙碌既一日咁就過左我個生日, 呢份禮物, 我一直都唔捨得買, 多謝老公. 我係好鐘意 !
話晒係正日, 同事預早送左呢個預訂壽包比我同埋屋企人一齊慶祝.
沒有留言:
發佈留言