◣我家◕｡◕じ寶貝◥: 【Lesson 1-10 @ Starting Blocks の第2 Cycle】

【Lesson 1 】
繼上次10堂, 今次又黎多個Round.
仍然係我地原班4個小朋友又再加2個試玩生. 齊晒人, 再加埋家長, 所以個課室好似鬼迫咁.
今日家希表現好差, 隔左1個月無上堂啫, 好似生疏左, 有d 驚, 又要夾實Mama.

第一ROUND 要佢地排積本, 真係同我排一排咁囉. 可能佢覺得悶, 無乜興趣. 接住就係貼貼紙, 要訓練佢地手指自己搣, 不過家希唔多鐘意個種黐住既感覺, 成日都要Fing 甩佢. 好勉強先至黐晒d 貼紙.

呢PART 家希最歡喜, 又係畢嘢, 睇佢幾尊注就知啦.

【Lesson 2 】
由於上堂sick leave, 所以Miss 左一堂, 原來第一堂果倆個試玩生都 Join 埋我地呢班, 所以齊晒人數六個小朋友.
每個小朋友輪流出去姑娘度示範
你睇家希個樣幾自豪.

今堂有聽故事環節, 陳姑娘叫我地家長留意小朋友個反應, 睇佢地尊唔尊心, 可能係新屎坑, 家希都OK坐定定眼定定睇住聽住.
又係有小肌肉訓練, 有3款不同道具, 家希已經對某一款虎視擔擔. 當然要坐定定等姑娘O益名啦. 家希第一個, 可以揀先. 又真係比佢揀佢心儀個款.

接住要著團裙做勞作, 識別左眼耳口鼻就要响幫佢地用水彩上色. 家希隻手指一點到就即 Say NO. 唔通佢有潔辟, 個個小朋友都好尊注, 但家希就喊晒口, 唔肯做, 第時返幼稚園都要做呢D架啦, 阿仔 !!

最後個Part 大肌肉環節, 拋沙袋.

【Lesson 4 】
今次一開場玩既嘢, 係家希至愛.....撓金魚. 因為要掂水, 所以個個著團裙會好D. 我就同家希講, 唔著無得水水喎.

家希個樣好嚴肅. 好似D人學緊茶道咁. 但d 小朋友鐘意撓水多過撓魚魚喎.

呢一Round係質感環節, 每人派1舊涼粉+刀仔, 比小朋友可以掂吓摸吓再砌吓.

講故事時間, 家希唔肯坐定定, 仲走左出去瞓係姑娘前面手指指.

大肌肉環節.
整好晒每人一條梯級, 拎住個波重溫上堂拋過對面.
家希梗開心, 佢係掟多過拋.

【Lesson 5 】
演奏時間:
上一堂就坐凳仔, 今堂轉一轉, 企响度表演.

唱小熊維尼遊花園, 一唱起, 家希就自轉, 睇佢轉得幾 High.

跟住大家企起身, 手拖手唱歌仔拍手. 唔係個個都咁合作. 家希都OK, 肯拖住小朋友, 就算我唔係佢身邊,當然唔係次次都肯.

肌肉訓練:
串圈圈, 家希嫌每次都"胡"低拎圈圈麻煩得沛, 索性成盤放係大肶度, 方便得多,真醒目.

接住就到配對時間, 每人手渣住圖片, 沿住已經SET 好既小路, 再將放番落去適合既盤度. 不過家希完全唔尊注唔投入, 淨係自己走黎走去, 最後要陳姑娘住佢黎做. 真係比佢激屎.

大肌肉時間:
捐山窿. 呢個時間家希已經扭晒計喊晒口, 都唔知佢搞乜鬼. 又要攬實 Mama, 連Papa 都唔要.
扭緊計, 又點肯玩捐山窿丫, 仲要呢方面, 家希不嬲都無乜興趣, 佢一向都唔鐘意損. 可能驚青呱.

最後比家希見到支Bom氣棒, 陳姑娘就拎比佢玩, 呢個大少就開心番.

之後陳姑娘諗出個計仔, 將支棒掟入個山窿度引家希自己爬入去, 咁又得喎~ 佢仲爬得不知幾開心, 全因係爬入去拎番支棒囉.1個鐘既時間又到, 又係時候講Bye Bye.

【Lesson 6 】
表演環節派出3位小朋友, 家希一上到台度, 淨係掛住同同學仔桌傑吱吱枕.

小肌肉時段, 疊疊杯, 家希疊左兩個都唔得就走左去, 梗係啦, 佢鬼死咁大力疊上去,咪趺囉.

大肌肉時間, 每人要拎住裝住個波仔既杯, 一步步咁跨過又高又低既墊, 再到終點將個波放入個籃度.

【Lesson 7 】
小肌肉活動.

之後倒顏料, Papa教家希一齊倒, 佢不之幾開心.

最後個作品.

接住就到撓圈圈, 呢Part 家希肯完成, 梗係啦, 有得玩水水.

聽故事抖吓.

肌肉, 播住輕快既音樂, 小朋友順時針沿住不同既路障, 擒高擒低, 捐山窿.

記得上堂捐山窿, 家希都唔肯, 反而今日轉性, 仲不停咁捐完又捐.

【Lesson 8 】
堂小肌肉環節係穿珠仔. 要小朋友識得交換手, 家希做得到.

接住到畫畫時間, 今次教小朋友畫圓圈, 家希見到姑娘渣住支筆, 識得講"筆", 仲好心急想埋位.

因為平時Mama 用iphone手寫板, 一邊唱圓圈加一點, 一邊畫, 所以佢一見到筆就好開心.

大肌肉環節, 係夾雜之前學既嘢一齊做, 家希硬係對畢嘢特別有興趣.

小朋友每人一兜波波, 用匙畢起個波, 沿住路障行到終點放下.
轉過頭無拿拿就大發脾氣.

【Lesson 9 】
接住就到小刖肉環節, 家希今堂好乖, 坐定定, 所以陳姑娘第1個就叫家希出去攞.
每盤都唔同色, 家希真係揀佢心水個盤.

擰樽仔,扭螺絲, 小朋友要學識點樣擰一下放鬆手再擰, 家希呢 Part 完全無難度, 梗係啦, 佢成日係屋企拎我地d嘢黎擰, 擰得多, 咪熟練上手, 所以平時唔可以亂放水樽係枱度.