【初次 Interview の 準備】

9月開學月. 係時候要留意吓D 幼稚園資料. 做定Re-seach.

2013年家希就要入K1, 即出年要入表.

而家仲考慮緊比唔比家希讀 N , 其實個心有D想, 但又唔想佢返全日, 此終有婆婆湊. 半日對我黎講已經OK.

婆婆條邨無乜選擇, 得2間幼稚園, 1間心儀既就無N 班, 另一間只有全日N 班.唯有向下再睇. 即係要轉一程小巴落山.

點知打去問吓D資料啫, 就話入表同面試要同步.

就係咁, 約左呢個禮拜六In.

其實我都未諗定比唔比家希入N 班, 不過去In 吓又無防, 當攞個經驗都好呀.

真係唔該晒朋友仔既出力, 幫我印左一疊回郵信封, 仲貼埋郵票.


証件相係 D.I.Y.

== 血汗の過程 ==

真係有血汗架, 又要家希坐定定都唔止, 要佢望鏡頭, 真係難上加難.影左廿幾張再挑選. 再用Software 執埋相就拎去曬, 1張4R 就有8張 2寸Size 既証件相. 只需 $1.1.

有左呢個方法, 第時影學生相都唔駛再比晒相舖賺.

去拎相既時候, 發現原來曬相舖都係用我呢個方法張4R入面有8張証件相. 值得一讚, 居然曬相舖肯借出佢部Cut 相機比我 Cut 番1張1張証件相出黎