【Open Day @ 觀浸】

係PlayGroup 度有位姐姐話我知, 我想家希入個間幼稚園有 Open Day. 仲一心諗住去見識見識.點知所謂既Open Day 只不過係佢地幼稚園既咩頒獎典禮同D 灘位遊戲咁囉.


 基本上全部都唔啱家希玩, 仲諗住可以入去學校入面參觀吓, 點知當日係唔開放喎...唉 !! 晒氣 ~
不過, 一塲黎到, 都入去兜個圈, 家希見到咁多小朋友, 梗開心啦 .



仲有好多學生既勞作, 似乎家希好有興趣咁, 仲示意我要同佢影相. 真搞笑 !!






不過呢間幼稚園無N班, 一心想入佢既主要原因係因為間學校响婆婆屋企樓下, 唔駛搭車, 打風落雨方便得多.

所以出年年尾先可以報名, 2013年入學, 佢地既K1只有半 Day, 對我黎講都幾好, 因為唔係太想家希一開始就讀全日班, 太多病菌, 等到 K2 起可以轉番全日都無問題