【反轉360】

中午時份, 老公提議去360.其實佢知我一向都想帶婆婆去. 應該話, 老豆仲在生時, 我地去過幾次都撞正唔係維修就暫停. 帶佢地去係我個心願 !
今日終於得賞所願. 遺憾係老豆已經不在............
未坐360前, 首先去衣肚, 之前朋友仔帶過我地黎呢度食鐵板燒, 坐係個鐵板前面, 師傅燒完煎完D 嘢食就會分係我地面前.

呢度勝在抵食, 四十幾五十蚊一個Set, 有埋碗飯, 好好味 !!

食飽飽前360出發. 我地揀左來回票, 仲要兩款不同車箱.

去程坐普通車箱. 無乜人, 我地一家包晒成架車.

雖然氣溫有幾三十幾度, 車箱又無冷氣, 但一d都唔熱, 上到半空好大風, 好清涼 !!

而家周圍都搵遊客錢, 一上車, 即有個攝影哥哥埋黎同我地影合照.
到目的地又會有職員埋黎比番個製成品我地. 2個匙扣, 1張5R 相 + 1個水晶座, 承惠5舊水有找 (印象中係呢個價)
實在太貴, 但張相真係影得 Mama 我唔錯, 最後.....都係無買. 事後有點後悔, 點解唔淨係買張5R 呢 ? 相信呢個 360唔會有第二次搭囉.

影唔到真既攬車, 唯有影呢度作補償 !!

大佛就無上到, 百幾級樓梯, 以婆婆而家咁既身體狀況, 應付唔到.

一場黎到, 婆婆買扎香竹黎拜下.家希又要搶住拜拜.
最搞笑, 佢揸住扎香, 個口就不停講 「舅父多多錢, 舅母多多錢, 爸爸多多錢, 阿MI 多多錢」

老公既決擇係對的, 選擇回程至搭水晶車箱.
皆因普通車箱條人龍長到幾個蛇餅, 相信無 9 個字至1粒鐘都唔駛止意上到車.
仲要係咁鬼熱既天氣下, 人都顛 !!

不過回程唔可以包車lu, 坐足8人一車箱.
水晶車箱個底係透明玻璃. 其實都幾驚下. 不過呢個家希又點識驚喎~~

廣場對出有呢個噴泉, 好多小朋友玩到尖叫聲.家希又咁鐘意玩水, 點會錯過丫 !
好彩我地有所準備衫褲鞋襪.

可惜 Mama 我淨係拎左大光圈之鏡, 無得 Zoom, 搞到唔夠近鏡囉.