【七一沙灘遊】

繼上個禮拜玩沙失敗,今個禮拜, 又再接再厲.
落左8號波既第二朝, 鬼死咁好天, 藍天白雲.

臨出門今次有準備, 搽足防曬無走雞.

Papa 仲話推埋車仔, 為免上次咁, 唔願行都有車坐, 我地又唔駛咁辛苦.

今次Mama我叮囑Papa唔好咁心急, 慢慢比家希坐係蓆度 Warm up 下先.
呢個仔, 潔辟勁強, 唔鐘意d 沙黐落佢身度.

今次我地拎左兜水比家希, 家希淨係將d 水畢黎畢去已經好開心. 

 

呢隻蟹仔, 係Papa 辛辛苦苦捉佢返黎.

 

玩到咁上下,Mama 我慢慢引度家希去另一邊有條小河流度玩.
係咁曬又咁熱既天, 呢d 水真係好冰涼, 好舒服 !!!

不過無雲既時候,真係曬得攞命.

早有準備拎度遮, Papa 負責係側邊幫家希遮太陽.

慢慢地, Mama 再引度家希去海邊.

今次好好成績, 玩足2個幾鐘. 係時候要返屋企lu.