【畫班の初體驗】

其實 Mama 我之前都周圍覓尋畫班, 不過好多都要最少3歲至可以Join, 其中一間2歲就可以Join, 仲要係親子, 可惜好Full, 而家只係 Waiting List 咋.

經朋友介紹, 呢間畫室近近地, 係番原區, 正正又Fit 正Mama 我想要既時間, 星期六上晝.

可能Mama 我係第一次Join 呢類既興趣班, 其實都唔太清楚地上堂運作.

今堂係畫叮噹, Miss 係白板上畫, 而小朋友就跟住係畫紙度畫. 不過以家希呢個階段, 又點能畫到呢 !


【偷影中】

Miss 都好好, 佢係家希畫紙度用虛線畫左個叮噹, 只係要家希沿住虛線黎填, 可惜家希不在狀況, 又扭計, 又心散周圍望.

其實畫班唔可以有Mama係課室, 不過負責人好好人, 肯比Mama 我係課室陪住. 但家希有Mama 係度, 就梗加唔尊心,

1個鐘頭課程, 家希喊住上堂, 咪係痴媽B 囉, 又成日借尿遁出出入入, 最搞笑, 家希一路吟泣一路自己講 :「上堂唔駛喊架」, 其實家希知上堂唔駛喊, 不過我知佢應該係控制唔到自己.

不過無所謂啦, Mama 我只係想比家希試吓啫. 而個負責人勁好人，今堂仲唔收我錢，搞到Mama我有d唔好意思，多得朋友既關照！

之後紫婷Ma詳細講番紫婷上堂模式，再睇埋d作品，心諗，呢d先係我杯茶
可惜地點唔多「就腳」

最後既作品, 當然當中有Mama 我出手幫下啦.