【怨屈】

心中怒火經過一整夜都未平靜，仲有微微餘溫!

雖然搵朋友發洩過, 但度氣仲Chok 住 Chok 住.

事源尋朝仲未落8號仔既時候，收到我老母來電 !!(原諒我咁既稱呼)

原以為佢問好我地. 原來另有意思~
佢問禮拜日有無見過佢隻鑽介 ? 位置 --廁所 !

老實講，的確個日我入過廁所仲幫家希沖涼，但完全無為意過，再接住佢叫我問我老公，答案如是~ 扯火位 :
佢話：問你地實話無見過架啦 ~

當然我即時反駁，最終不滿收線!

接住個半日係公司心情麻麻，隨後心情平熄了

收工如常上去探家希，佢...又再一次要搵交o益！自言自語但音調完全係講比我地聽.

佢仲話:連自己屋企擺自己嘢都唔得!

老實講：佢未爆呢句之前已經西口西臉，又借家希黎發洩，我忍! 但有底線囉.

最終我大大聲反駁佢，你講到尾即話我地偷啦，自己成日亂擺嘢又無記性，你唔好比我知你遲下搵番出黎，話人前唸唸後果，唸下人地感受，唔係到時搵得番就哈哈大笑當無事.

我知全程家希都聽住，仲同佢 Papa講，阿 Me嬲！ 無奈我無法再忍，經常講嘢無經個腦，文盲唔係大晒，傷到人轉頭當無事，好討厭佢，個刻真係好想抱走家希，唔想再比佢湊.

點解會有老母係想自己個女離婚呢？我知佢想法，點解個仔唔係我自己湊，佢會覺得自己當年都係男人出去做嘢，女人係屋企湊仔！

佢永遠都係停响佢個年代，無進步過，唔知頭唔知路就話人，同個 D 八婆有乜分別？

究竟知唔知而家生活指素好高，靠一個人做去擔起成頭家，咪憂柴憂米囉~

我做左十年，我唔會放棄我個十萬八萬囉！但公司 Lay Off 我就另一回事.

真係好忟好嬲 !!!