【喪玩黃埔 PlayHouse】

今日天氣焗到不得了, 好以入左個火爐咁, 原來吽緊風.

一早 Plan 好約埋軒哥哥去黃埔 Playhouse 喪玩.

但係無瞓晏覺之下既家希, 狀況麻麻, 扭計就梗.

例排第一 Part 實射槍先, 係度玩緊既小朋友都好禮讓. 仲執左一兜波讓比家希.

家希仲射中 Papa, 係咁傻笑 !!!

執波亦係其中一個娛樂


原本係波波池玩緊, 突然走左個o靚妹入黎, 當個波波池係泳池咁, 一聲唔出就咁趺落去, 跳完一次又一次, 勁驚家希被壓到, 拿拿林o的起家希, 否則蝕底都係自己, 原來得個賓賓湊住. 唔怪得無人理, 好彩呢度既職員都有做吓嘢, 出手阻止. 禁止佢再踏入呢個3歲以下既 Area.

跳彈床, 睇住家希狂撻, 好好笑.
值得再讚呢度既職員哥哥, 見到佢地幾個比較年幼既小朋友玩緊, 係門外禁止年長既細路入黎.
可以令佢地幾個細蚊仔, 玩得更盡興 !

 

半場休息, 嘆番盒維奶先.


家希一見呢個龍門就好興奮. 係咁話要掟波波.
 

2個鐘既擒高擒低, 係時候去衣肚.
好彩 Mama 我一早Book 定王家沙.
2個細路聚埋一齊就最熱愛玩手機.