上個禮拜己經打算今日 去姑奶會所暢泳, 仲以為要改期添, 見個天咁藍, 一於食完個晏就出發.
鐘意去會所游, 原因好簡單, 人唔多, 水又乾淨, 最重要唔曬囉, 至鬼驚曬黑.
由於唔曬相對D 水就涷囉. 世事就無咁完美架啦.
好彩浸左一陣, 家希表姊話另一邊有暖水池. 咁我地梗係拿拿林過池啦.
哇~~ 真係好好多囉, 雖然未去到浸溫泉既溫度, 但起碼唔係冰涷囉.
記得舊年黎呢度玩, 家希仲好鬼High, 相隔一年, 樣樣嘢都鬼咁驚青. 攬實個水泡唔放不得止.
以家希個高度, 對腳係可以踩到地. 但個池既設計另一半係落一級,水深大約係我地腰間.
呢個仔, 一掂唔到地就鬼殺咁嘈, 我知佢係慢熱D, 佢係要慢慢黎, 要有心理準備, 唔迫得.
Papa 就一味話唔驚又一味係咁拉鬼左佢出去, 唔叫就假.
只要分散下家希注意, 佢腳離地慢慢飄吓飄吓, 佢又ok 架啦, 不過好快佢又發現自己掂唔到地而大叫過.
原本唸住帶埋個剷比家希畢水, 點知條友仔無時無刻都揸住, 阿仔你一隻手揸住個剷, 得番另一隻仔點攬住個水泡呀 ! 激屎 !!!
今次玩左成個鐘. 更衣室又有風筒又有熱水, 會所真係唔同d.
游完又係隔離既Playground玩陣.
之後就上樓休息, 大由 大傾計吹水, 細由細玩, 家希好鐘意同表姊玩, 成日拉住表姊入房, 玩到嘻哈大笑.
轉個頭又話要彈琴, 真正鋼琴梗係唔同d., 家希似模似樣.
沒有留言:
發佈留言